വിമാന യാത്രക്കാരനില്‍നിന്ന് വെടിയുണ്ടകള്‍ പിടിച്ചു

കരിപ്പൂര്‍: കോഴിക്കോട് വിമാനത്താവളത്തില്‍, വിദേശത്തേക്ക് പോകാനെത്തിയ യാത്രക്കാരനില്‍നിന്ന് ആറ് വെടിയുണ്ടകള്‍ പിടിച്ചു. കണ്ണൂര്‍ വളപട്ടണം സ്വദേശി ടി.വി. വിജയനില്‍(54)നിന്നാണ് വെടിയുണ്ടകള്‍ പിടിച്ചത്. സ്യൂട്ട്‌കെയ്‌സിലാണ് വെടിയുണ്ടകള്‍ സൂക്ഷിച്ചിരുന്നത്.

തിങ്കളാഴ്ച രാത്രി 8.15നുള്ള എയര്‍ഇന്ത്യ 997 ഷാര്‍ജ വിമാനത്തില്‍ ദുബായിലേക്ക് പോകാനെത്തിയതായിരുന്നു വിജയന്‍. സ്യൂട്ട്‌കേസ് എക്‌സ്‌റേ പരിശോധന നടത്തിയപ്പോഴാണ് വെടിയുണ്ടകള്‍ കണ്ടെത്തിയത്.

ഗള്‍ഫില്‍ ബിസിനസ് നടത്തുന്ന വിജയന്‍ ഭാര്യയുടെയും മകളുടെയും ഒപ്പമാണ് വിമാനത്താവളത്തിലെത്തിയത്. വെടിയുണ്ട കണ്ടെത്തിയതിനെ തുടര്‍ന്ന് ഇവരുടെ യാത്ര തടഞ്ഞു.

2009-ല്‍ വാങ്ങിയ പിസ്റ്റളിന്റെ ലൈസന്‍സ് കാലാവധി അവസാനിച്ചതിനാല്‍ വളപട്ടണം പോലീസ്‌സ്റ്റേഷനില്‍ പുതുക്കാന്‍ കൊടുത്തിരിക്കുകയാണെന്നും പെട്ടിയില്‍ സൂക്ഷിച്ചിരുന്ന തിരകള്‍ വിദേശത്തേക്കുള്ള യാത്രയ്ക്കിടെ മാറ്റിവെക്കാന്‍ മറന്നതാണെന്നുമാണ് വിജയന്‍ സുരക്ഷാ ഉദ്യോഗസ്ഥരോട് പറഞ്ഞത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News