കാട്ടാനയ്ക്ക് മുന്നില്‍ പെട്ടുപോയ യുവാവിന് ജീവന്‍ നല്‍കിയത്‌ കൈയിലെ പഞ്ചാസാരപ്പൊതി

മൂന്നാര്‍: മൂന്നാറില്‍ കാട്ടാനയ്ക്ക് മുന്നില്‍ പെട്ടുപോയ യുവാവിന് ജീവന്‍ നല്‍കിയ കച്ചിത്തുരുമ്പായത് കൈയിലെ പഞ്ചാസാരപ്പൊതി. ഭക്ഷ്യ സാധനങ്ങളുമായി വീട്ടിലേക്ക് തിരിച്ച മാവുങ്കല്‍ ബിജു ആന്റണിയാണ്(33) പഞ്ചസാരപ്പൊതി എറിഞ്ഞ് ജീവന്‍ തിരിച്ചുപിടിച്ചത്.

പഴയമൂന്നാറിലെ കെ.ഡി.എച്ച്. സ്‌പോര്‍ട്‌സ് ഗ്രൗണ്ടിന് സമീപം വര്‍ക്ക്‌ഷോപ്പ് നടത്തുന്ന ബിജു ആന്റണിക്ക് ശനിയാഴ്ച രാത്രി വീട്ടിലേക്ക് പോകാന്‍ വാഹനം കിട്ടിയില്ല. ഇതോടെ നടന്നു പോകാന്‍ തീരുമാനിച്ച ബിജു സി.എസ്.ഐ. ദേവാലയത്തിന് സമീപം കാട്ടാനക്ക് മുന്നില്‍പെടുകയായിരുന്നു. ഓടിയ ബിജുവിനെ ആന പിന്തുടരുകയും ചെയ്തു രക്ഷപ്പെടുന്നതിനിടെ രണ്ടുതവണ വീണതോടെ മരണം തൊട്ടു പിന്നാലെയായി.

ആന തൊട്ടടുത്തെത്തിയതോടെ കയ്യിലുണ്ടായിരുന്ന വീട്ടുസാധനങ്ങള്‍ ഓരോന്നായി ആനയ്ക്കുനേരെ എറിയുകയായിരുന്നു. പഞ്ചസാര പൊതി എറിഞ്ഞപ്പോള്‍ ആന അത് തട്ടി പൊളിച്ചു നോക്കാന്‍ ശ്രമിച്ചതോടെ ബിജുവിന് ഓടി മാറാന്‍ സമയം ലഭിച്ചു. ബിജുവിനെ പിന്നീട് മൂന്നാറിലെ ആസ്പത്രിയില്‍ പ്രവേശിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Moonnar, Hospital, Elephant