പതിനാറുകാരനെ പീഡിപ്പിച്ചതിന് മുപ്പതു വയസുകാരിയെ അറസ്റ്റ് ചെയ്തു

കൊല്ലം: പതിനാറുകാരനെ മുംബൈയിലേക്ക് തട്ടിക്കൊണ്ടു പീഡിപ്പിച്ചതിന് മുപ്പതു വയസുകാരിയെ അറസ്റ്റ് ചെയ്തു. കൊല്ലം ഓടനാവട്ടം ചെന്നാപ്പാറ സ്വദേശിനി ബിജി എന്ന ലിസിയെയാണ് പൂയപ്പള്ളി പൊലീസ് അറസ്റ്റ് ചെയ്തത്. ആണ്‍കുട്ടിയുടെ ബന്ധു കൂടിയാണ് ബിജി.

ഇരുവരെയും കാണാനില്ലെന്ന് കാണിച്ച് സെപ്തംബര്‍ 24 മുതല്‍ ബന്ധുക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് നടന്ന അന്വേഷണത്തിലാണ് ഇരുവരേയും മുംബൈയില്‍ നിന്നും അറസ്റ്റ് ചെയ്തത്. തട്ടിക്കൊണ്ടുപോകല്‍, കുട്ടികള്‍ക്കെതിരായ ലൈംഗിക അതിക്രമം തുടങ്ങിയ കുറ്റങ്ങള്‍ ചുമത്തി യുവതിക്കെതിരെ കേസ് രജിസ്റ്റര്‍ ചെയ്തു. തുടര്‍ന്ന് പുനലൂര്‍ കോടതിയില്‍ ഹാജരാക്കിയ യുവതിയെ 14 ദിവസത്തേക്ക് റിമാന്‍ഡ് ചെയ്തിരിക്കുകയാണ്.

പ്ലസ്‌വണ്‍ വിദ്യാര്‍ത്ഥിയായ പതിനാറുകാരനെ കൗണ്‍സിലിംഗിന് ശേഷം മാതാപിതാക്കള്‍ക്കൊപ്പം അയയ്ക്കുമെന്നാണ് പോലീസ് നല്‍കുന്ന വിവരം. വിവാഹിതയും രണ്ടു കുട്ടികളുടെ അമ്മയുമാണ് യുവതിയുടെ ഭര്‍ത്താവ് ഗള്‍ഫിലാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kollam , Rape, Women, police, Hospital