വിസ്മയ പാര്‍ക്കിലെ കൗണ്ടറില്‍ നിന്ന് പണം മോഷ്ടിച്ച യുവാവ് അറസ്റ്റില്‍

തളിപ്പറമ്പ: പറശിനിക്കടവ് വിസ്മയ പാര്‍ക്കിലെ കൗണ്ടറില്‍ നിന്ന് പണം മോഷ്ടിച്ച യുവാവ് അറസ്റ്റില്‍. ചെറുപുഴ സ്വദേശി സിന്റോവിനെയാണ് ചിറ്റാരിക്കല്‍ പോലീസ് പിടികൂടിയത്. കഴിഞ്ഞ ദിവസം ഉച്ചക്കാണ് പാര്‍ക്കിലെ വിസിറ്റേഴ്‌സ് ലോക്കര്‍ കൗണ്ടറിലെ മേശവലിപ്പില്‍ നിന്ന് 5000 രൂപ കവര്‍ന്നത്. 

കൗണ്ടറിലെ ജീവനക്കാരന്‍ സി.വി. രതീഷ് ബാത്ത്‌റൂമില്‍ പോയപ്പോഴായിരുന്നു കവര്‍ച്ച. ചുവന്ന ഷര്‍ട്ട് ധരിച്ച യുവാവ് മേശവലിപ്പില്‍ നിന്ന് പണം മോഷ്ടിക്കുന്നത് കൗണ്ടറിലെ ക്യാമറയില്‍ പതിഞ്ഞിരുന്നു. ഈ ദൃശ്യം വച്ച് നടത്തിയ അന്വേഷണത്തിലാണ് യുവാവ് കുടുങ്ങിയത്. പ്രതിയെ ഏറ്റുവാങ്ങാന്‍ തളിപ്പറമ്പ് അഡീ. എസ്.ഐ: രവീന്ദ്രന്‍ ചിറ്റാരിക്കലിലേക്ക് പോയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Robbery, Police, Case. Arrested, Vismaya Park