സുനില്‍ ഗവാസ്‌കര്‍ കാറപകടത്തില്‍ നിന്ന് അത്ഭുതകരമായി രക്ഷപ്പെട്ടു

മാഞ്ചസ്റ്റര്‍: മുന്‍ ഇന്ത്യന്‍ ക്രിക്കറ്റ് താരം സുനില്‍ ഗാവസ്‌കര്‍ ലണ്ടനില്‍ കാറപടത്തില്‍ നിന്ന്  അത്ഭുതകരമായി രക്ഷപ്പെട്ടു. ഇന്ത്യയുടെ ഇംഗ്ലണ്ട് പര്യടനത്തില്‍ കമന്റേറ്ററായ ഗാവസ്‌കര്‍ ഞായറാഴ്ച മാഞ്ചസ്റ്ററില്‍ നിന്ന് ലണ്ടനിലേക്ക് പോവുമ്പോഴായിരുന്നു സംഭവം.

ഗാവസ്‌കറും സുഹൃത്ത് ചന്ദ്രേഷ് പട്ടേലും മറ്റൊരു കമന്റേറ്ററുമായ മാര്‍ക് നിക്കോളാസും സഞ്ചരിച്ചിരുന്ന ജാഗ്വാര്‍ കാറില്‍ എതിരെ വന്ന വാഹനം ഇടിക്കുകയായിരുന്നു. നേര്‍ക്കുനേരെയുള്ള ഇടി ഒഴിവാക്കാനായെങ്കിലും എതിരെ വന്ന വാഹനം ഗാവസ്‌കര്‍ സഞ്ചരിച്ചിരുന്ന കാറിന്റെ വശത്ത് ഇടിക്കുകയായിരുന്നു. ഇടിയുടെ ആഘാതത്തില്‍ കാര്‍ തകര്‍ന്നു. കനത്ത മഴയുണ്ടായിരുന്ന സമയത്തായിരുന്നു അപകടം.

പിന്നീട് ഈസ്റ്റ് മിഡ്‌ലാന്‍ഡ് പാര്‍ക്ക്‌വേ റെയില്‍വേസ്‌റ്റേഷനിലേക്ക് നടന്നു പോയ സംഘം അവിടെ നിന്ന് ട്രെയിനിലാണ് ലണ്ടനിലേക്ക് പോയത്.


Keywords:Sunil Gavasker, Accident, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News