പ്രീമിയം ഡീലര്‍ഷിപ്പായ നെക്‌സ വഴി വില്‍പനയ്‌ക്കെത്തുന്ന ആറ് സീറ്റ് എം.പി.വി എക്‌സ്.എല്‍ 6ന്റെ ബുക്കിങ് കമ്പനി നേരത്തെ ആരംഭിച്ചിരുന്നു. മാരുതിയുടെ അഞ്ചാം തലമുറ ഹാര്‍ട്ട് ടെക്ക് പ്ലാറ്റ്‌ഫോമില്‍ വികസിപ്പിച്ച വാഹനത്തിന് കരുത്താകുന്നത് ബി.എസ് 6 നിലവാരത്തിലുള്ള 1.5 ലീറ്റര്‍ സ്മാര്‍ട്ട് ഹൈബ്രിഡ് പെട്രോള്‍ എന്‍ജിനാണ്. 77 കിലോവാട്ട് കരുത്തും 138 എന്‍.എം ടോര്‍ക്കുമുണ്ട് വാഹനത്തിന്.
മാനുവല്‍ വകഭേദത്തിന് ലീറ്ററിന് 19.01 കിലോമീറ്ററും ഓട്ടോമാറ്റിക്ക് വകഭേദത്തിന് 17.99 കിലോമീറ്ററുമാണ് കമ്പനി വാഗ്ദാനം ചെയ്യുന്ന ഇന്ധനക്ഷമത. അഞ്ച് സ്പീഡ് മാനുവല്‍ ഗിയര്‍ബോക്‌സും നാലു സ്പീഡ് ടോര്‍ക്ക് കണ്‍വേര്‍ട്ടര്‍ ഗിയര്‍ബോക്‌സുമാണ് വാഹനത്തില്‍.
സ്‌പോര്‍ട്ടിയായ ഗ്രില്ല്, ഡേടൈം റണ്ണിങ് ലാംപോടു കൂടിയ ഹെഡ്‌ലൈറ്റുകള്‍, ബോഡി ക്ലാഡിങ്ങുകള്‍, ഡ്യുവല്‍ ടോണ്‍ ഇന്റീരിയര്‍, കറുത്ത അലോയ് വീലുകള്‍ തുടങ്ങി എസ്യുവി ചന്തം തോന്നിക്കാന്‍ വേണ്ട ഫീച്ചറുകളെല്ലാം പുതിയ വാഹനത്തിലുണ്ട്. സീറ്റ, ആല്‍ഫ എന്നിങ്ങനെ രണ്ടു വകഭേദങ്ങളിലായാണ് എക്‌സ് എല്‍ 6 വിപണിയിലെത്തുക.
പ്രീമിയം ലുക്കുള്ള ഓള്‍ ബ്ലാക്ക് ഇന്റീരിയര്‍, ഉയരം ക്രമീകരിക്കാവുന്ന ഡ്രൈവര്‍ സീറ്റ്, റിയര്‍വൈപ്പര്‍, പുതിയ സ്മാര്‍ട്ട് പ്ലെ സ്റ്റുഡിയോ ഇന്‍ഫോടൈന്‍മെന്റ് സിസ്റ്റം, റിവേഴ്‌സ് ക്യാമറ, ക്രൂസ് കണ്‍ട്രോള്‍ തുടങ്ങിയ ഫീച്ചറുകളും വാഹനത്തിലുണ്ട്.
No comments:
Post a Comment