വിവാഹാഭരണം വാങ്ങി മടങ്ങുമ്പോള്‍ ലോറിയിടിച്ചു പ്രതിശ്രുതവധുവടക്കം മൂന്നുപേര്‍ മരിച്ചു

ഷൊര്‍ണൂര്‍: വിവാഹത്തിനു സ്വര്‍ണാഭരണങ്ങളെടുത്തു മടങ്ങിവരവെ ബൈക്കിലും സ്‌കൂട്ടറിലും ലോറിയിടിച്ചു പ്രതിശ്രുത വധു ഉള്‍പ്പെടെ മൂന്നുപേര്‍ മരിച്ചു.

വെളളിയാഴ്ച രാവിലെ പതിനൊന്നോടെ കൈലിയാട് മാമ്പറ്റപ്പടിയിലാണ് അപകടം. തൃത്താല കണ്ണന്നൂര്‍ പിള്ളക്കാട്ടില്‍ നിധീഷ് (29), മകന്‍ സച്ചിന്‍(ഒന്ന്), നിധീഷിന്റെ ഭാര്യാ സഹോദരി ദിവ്യ(19) എന്നിവരാണു മരിച്ചത്.

ദിവ്യയുടെ വിവാഹത്തിനു സ്വര്‍ണാഭരണങ്ങളെടുത്തു വരുകയായിരുന്നു ബൈക്കിലും സ്‌കൂട്ടറിലുമായി ഇവര്‍. നിധീഷിന്റെ ബൈക്കിന്റെ പിറകില്‍ ഭാര്യ ജിജിയുമുണ്ടായിരുന്നു. ഇവര്‍ക്കും അപകടത്തില്‍ സാരമായി പരിക്കേറ്റു. അതിവേഗം പാഞ്ഞുവന്ന ലോറി ബൈക്കിലിടിക്കുകയായിരുന്നു. പിറകേ ദിവ്യ സഞ്ചരിച്ച സ്‌കൂട്ടറും വന്നിടിച്ചു. കൈലിയാട് ഉപ്പത്തറ ചന്ദ്രന്റെ മകളാണ് ദിവ്യ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News