മാധ്യമപ്രവര്‍ത്തകരുമായി കുട്ടികളുടെ സംവാദം ശ്രദ്ധേയമായി

കാസര്‍കോട് : കാസര്‍കോടിന്റെ സാമൂഹ്യ പശ്ചാത്തലത്തില്‍ കുട്ടികളില്‍ മൂല്യബോധം ഊട്ടിയുറപ്പിക്കുക എന്ന ലക്ഷ്യത്തോടെ ജില്ലാ പോലീസ് വകുപ്പും, വിദ്യാഭ്യാസ വകുപ്പും സംയുക്തമായി സംഘടിപ്പിക്കുന്ന പൊന്‍പുലരി സഹവാസ ക്യാമ്പില്‍ കുട്ടികള്‍ മാധ്യമപ്രവര്‍ത്തകരുമായി സംവദിച്ചു. വാര്‍ത്തകളെ കണ്ടെത്തുന്ന രീതിയും മാധ്യമപ്രവര്‍ത്തകര്‍ വാര്‍ത്താസംബന്ധമായ പ്രവര്‍ത്തനങ്ങളില്‍ ഏര്‍പ്പെടുന്നത് ഏതു വിധത്തിലാണെന്നും, അപകട സ്ഥലത്ത് മാധ്യമപ്രവര്‍ത്തകര്‍ എന്തിനാണ് പ്രാധാന്യം കൊടുക്കുന്നതെന്നും ഉള്ള ചോദ്യങ്ങള്‍ അര്‍ത്ഥഗര്‍ഭമായി കുട്ടികള്‍ ആരാഞ്ഞു. പ്രസ് ക്ലബ്ബ് സെക്രട്ടറി കെ മുഹമ്മദ് ഹാഷിം, ട്രഷറര്‍ ഉണ്ണികൃഷ്ണന്‍ പുഷ്പഗിരി, വി വി പ്രഭാകരന്‍, രവീന്ദ്രന്‍ രാവണേശ്വരം, ജയരാമന്‍ കുട്ടിയാനം, പത്മേഷ്, നാരായണന്‍ കുട്ടി, ഏബി കുട്ടിയാനം, അബ്ദുല്ലകുഞ്ഞി ഉദുമ, കൃഷ്ണദാസ്, സുജിത്ത് കുമാര്‍, ഷഫീഖ് നസ്‌റുള്ള, വിനോദ് ചെറുപുഴ, ജാബിര്‍ കുന്നില്‍, ശ്യാംകുമാര്‍, ഇര്‍ഷാദ് തുടങ്ങിയവര്‍ സംവാദത്തില്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News