തീവ്രവാദ-ഭീകരവാദ ശക്തികളെ ചെറുത്തു തോല്പിക്കും: ഇ. അഹമ്മദ്

കണ്ണൂര്‍: തീവ്രവാദ-ഭീകരവാദ ശക്തികളെ ഒരു തരത്തിലും രാജ്യത്തു വളരാന്‍ അനുവദിക്കില്ലെന്നും എന്തുവില കൊടുത്തും ഇത്തരം ശക്തികളെ പ്രതിരോധിക്കുമെന്നും കേന്ദ്ര വിദേശകാര്യ സഹമന്ത്രി ഇ. അഹമ്മദ്. ഇന്ത്യയെന്ന മഹാരാജ്യത്തിലെ ജനങ്ങളുടെ മനസുകളില്‍ ഒരിക്കലും വിധ്വംസക ശക്തികള്‍ക്കു സ്ഥാനം നേടാന്‍ കഴിയില്ലെന്നും ഇ. അഹമ്മദ് പറഞ്ഞു.

തീവ്രവാദത്തിനും ഭീകരതയ്ക്കുമെതിരേ മുസ്‌ലിം യൂത്ത്‌ലീഗ് ജില്ലാ കമ്മിറ്റി സംഘടിപ്പിച്ച ജാഗ്രതാ സന്ദേശയാത്രയുടെ സമാപനം കണ്ണൂര്‍ സ്റ്റേഡിയം കോര്‍ണറില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യഥാര്‍ഥ മുസ്‌ലിം വിശ്വാസിക്ക് ഒരിക്കലും തീവ്രവാദിയാകാന്‍ കഴിയില്ല. ഇസ്‌ലാം സമാധാനത്തിന്റെയും സാഹോദര്യത്തിന്റെയും മതമാണ്. എന്തു ത്യാഗം സഹിച്ചും തീവ്രവാദ ശക്തികളെ മുസ്‌ലിംലീഗ് ചെറുത്തു തോല്പിക്കും. തീവ്രവാദം എന്നത് കേവലം പടക്കം മാത്രമാണ്. സ്‌ഫോടന ശബ്ദത്തിലൂടെ പൊടുന്നനെ സമൂഹത്തെ ഞെട്ടിപ്പിക്കാനാകുമായിരിക്കും. എന്നാല്‍ തീവ്രവാദത്തിനു ലോകത്ത് ഒരിടത്തും സ്ഥായിയായ വിജയം നേടാനായിട്ടില്ലെന്നും ഇ. അഹമ്മദ് പറഞ്ഞു.

കഴിഞ്ഞ 13നു കൂത്തുപറമ്പ്, പാടിച്ചാല്‍, രയരോം എന്നിവിടങ്ങളില്‍ നിന്നാരംഭിച്ച മൂന്നു മേഖലാ ജാഥകള്‍ കണ്ണൂരില്‍ സംഗമിച്ചു സമാപിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News