ഏഴു വയസുകാരന് ഊട്ടുപുരയില്‍ പീഡനം, ഒരാള്‍ കസ്റ്റഡിയില്‍

തളിപ്പറമ്പ്: ഏഴു വയസുകാരനെ ക്ഷേത്രത്തിന്റെ ഊട്ടുപുരയില്‍ മൂന്നംഗ സംഘം പ്രകൃതിവിരുദ്ധ പീഡനത്തിനിരയാക്കിയതായി പരാതി. സംഭവത്തില്‍ ഒരാളെ പോലീസ് കസ്റ്റഡിയിലെടുത്തു. 

കാഞ്ഞിരക്കൊല്ലി സ്വദേശികളായ ദമ്പതികളുടെ മകനെ ചൊവ്വാഴ്ച ഉച്ചകഴിഞ്ഞു രണ്ടരയോടെ കുറിയാടന്‍ ശ്രീജിത്തിന്റെ നേതൃത്വത്തില്‍ മൂന്നംഗ സംഘം പൂക്കോത്ത് കൊട്ടാരം ഊട്ടുപുരയില്‍ കൊണ്ടുപോയി ബലമായി മദ്യം കുടിപ്പിക്കുകയും പീഡിപ്പിക്കുകയും ചെയ്തുവെന്നാണു പരാതി. 

കുട്ടിയുടെ മൂന്നു പല്ലുകള്‍ പീഡനത്തിനിടയില്‍ ഇളകിയതായി ഡോക്ടര്‍ സാക്ഷ്യപ്പെടുത്തി. സംഭവത്തില്‍ കുറിയാടന്‍ ശ്രീജിത്തിനെതിരേയും കണ്ടാലറിയാവുന്ന മറ്റു രണ്ടുപേര്‍ക്കെതിരേയും പോലീസ് കേസെടുത്തിട്ടുണ്ട്. ചൈല്‍ഡ് ലൈന്‍ പ്രവര്‍ത്തകരും സംഘത്തെത്തി അന്വേഷണം നടത്തി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News