കണ്ണൂര്: കടലിലൂടെ നുഴഞ്ഞു കയറാന് ശ്രമിച്ച നാല് 'തീവ്രവാദികളെ' പോലീസ് പിടികൂടി. സ്റ്റേഷനില് നാലുപേരെയും കൊണ്ടുവന്നപ്പോഴാണ് തീരദേശ സുരക്ഷക്കുവേണ്ടി ആവിഷ്ക്കരിച്ച 'മോക്ഡ്രില്'ആണ് ഇതെന്ന് മനസിലായത്. കോയമ്പത്തൂര് കടലില് ആയുധം സഹിതം അമേരിക്കന് കപ്പല് പിടിയിലായ സാഹചര്യത്തിലാണ് തീരദേശ സുരക്ഷയില് വിള്ളലുണ്ടോയെന്ന് പരിശോധിക്കാന് തീരുമാനിച്ചത്. 'തീരവേട്ട' എന്ന പേരിലാണ് ഓപ്പറേഷന് ആവിഷ്ക്കരിച്ചത്.
ഉന്നതകേന്ദ്രങ്ങള്ക്ക് മാത്രമേ ഇതുസംന്ധിച്ച് അറിവുണ്ടായിരുന്നുള്ളൂ. പോലീസ്, കോസ്റ്റ് ഗാര്ഡ്, മറൈന് എന്ഫോഴ്സ്മെന്റ, കടലോര ജാഗ്രത സമിതി എന്നിവക്ക് ഏതോ ഇന്ത്യന് തീരത്ത് കടല് വഴി തീവ്രവാദികള് ആയുധങ്ങളുമായി നുഴഞ്ഞു കയറാന് സാധ്യതയുണ്ടെന്ന സന്ദേശം നല്കി. അതീവ ജാഗ്രത പാലിക്കണമെന്നും നിര്ദ്ദേശിച്ചു.
ഇതേ തുടര്ന്ന് പോലീസടക്കം ജാഗ്രതയിലായി. കണ്ണൂര് ഡി.വൈ.എസ്.പി: പി. സുകുമാരന്, സിറ്റി സി.ഐ: രത്നകുമാര് എന്നിവരുടെ നിര്ദ്ദേശത്തെ തുടര്ന്ന് പോലീസ് ആയിക്കര, സിറ്റി തുടങ്ങിയ കടലോരങ്ങളില് നിരീക്ഷണം തുടങ്ങി. രണ്ട് മല്സ്യബന്ധന ബോട്ടില് എത്തിയ നാലുപേരെ സിറ്റി സ്റ്റേഷനിലെ സിവില് പോലീസ് ഓഫീസര്മാരായ പ്രദീപ് (നമ്പര് 4411), സുജിത്ത് (5038) എന്നിവര് അടങ്ങിയ സംഘം പിടികൂടുകയായിരുന്നു. ഇവരുടെ കൈവശം ബോംബുപോലുള്ള ആയുധങ്ങളുമുണ്ടായിരുന്നു. ഇവരെ സിറ്റി സ്റ്റേഷനില് കൊണ്ടുവന്ന് ചോദ്യം ചെയ്യാന് തുടങ്ങിയതോടെയാണ് നാടകമാണെന്ന മനസ്സിലായത്.
ഐ.എന്.എസ്. ഗരുഡ എന്ന കപ്പലിലെ ജീവനക്കാരായ വി. വിപിന്, ദിനേശ് രാജ്, ഐ.പി.ബി.എസ്. ലക്ഷ്മിഭായി കപ്പലിലെ ചിത്രകുമാര്, രാജേഷ്പിള്ള എന്നിവരായിരുന്നു തീവ്രവാദികളായി വേഷം കെട്ടിയത്. എറണാകുളത്താണ് ഓപ്പറേഷന് ആസൂത്രണം ചെയ്തത്. ഒമ്പതോളം ഗ്രൂപ്പുകളുണ്ടാക്കിയാണ് വിവിധ സ്ഥലങ്ങളിലേക്ക് 'തീവ്രവാദികളെ' പറഞ്ഞയച്ചത്. മിന് പിടിത്തക്കാര് തുടങ്ങിയ വേഷങ്ങളിലായിരുന്നു ഇവരുടെ യാത്ര. റെഡ്ഫോഴ്സ്, ബ്ല്യൂ ഫോഴ്സ് എന്നിങ്ങനെ ഈ സംഘത്തിന് പേരും നല്കിയിരുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Arrested, Police
No comments:
Post a Comment