എം.പിയുടെ ജോലിക്കാരിയുടെ മൃതദേഹം സംസ്‌കരിച്ചില്ല; മകനെ കാണാനില്ല

ന്യൂഡല്‍ഹി: ബി.എസ്.പി എം.പി ധനജ്ജയ് സിങിന്റെ ഭാര്യയുടെ മൃഗീയമായ പെരുമാറ്റത്തിനെ തുടര്‍ന്ന് മരണപ്പെട്ട ജോലിക്കാരിയുടെ മകനെ കാണാനില്ല. മാതാവിന്റെ മരണത്തെ തുടര്‍ന്ന് മരണാനന്തര ചടങ്ങുകള്‍ നിര്‍വഹിക്കാനായി ഡല്‍ഹിയില്‍ എത്തിയ ഇരുപത്തി ഒന്നുകാരനായ ഷെഹസാനെ വ്യാഴാഴ്ച്ച രാത്രി മുതലാണ് കാണാതായത്.

മകന്‍ എത്താത്തതിനെ തുടര്‍ന്ന് രാഖിയുടെ മൃതദേഹം റാം മനോഹര്‍ ലോഹ്യ ആസ്പത്രിയില്‍ സൂക്ഷിച്ചിരിക്കുകയാണ്. ചാണക്യപുരി പൊലീസ് സ്റ്റേഷന്‍ പരിസരത്ത് വെച്ചാണ് ഇയാളെ കാണാതായതെന്ന് പൊലീസ് അറിയിച്ചു. ഷെഹസാന്റെ മൊബൈല്‍ ഫോണ്‍ സ്വിച്ച് ഓഫാണ്.

രാഖിയുടെ ബന്ധുക്കളെ ഡല്‍ഹിയില്‍ എത്തിക്കുന്നതിന് ഒരു സംഘം പൊലീസ് ഉദ്യോഗസ്ഥരെ കൊല്‍ക്കത്തയിലേക്ക് അയച്ചിട്ടുണ്ട്. ബന്ധുക്കള്‍ എത്തിയാല്‍ മൃതദേഹം അവര്‍ക്ക് വിട്ട് നല്‍കും.

ഒരു വര്‍ഷമായി ബി.എസ്.പി എം.പി ധനജ്ജയ് സിങിന്റെ ഡല്‍ഹിയിലുള്ള വീട്ടില്‍ ജോലി ചെയ്യുന്ന രാഖിയെ കഴിഞ്ഞ തിങ്കളാഴ്ച്ചയാണ് എം.പിയുടെ വീട്ടില്‍ മരിച്ച നിലയില്‍ കണ്ടെത്തിയത്. എം.പിയുടെ ഭാര്യ ജാഗ്രതി സിങിന്റെ മര്‍ദ്ദനം മൂലമാണ് രാഖി മരിച്ചതെന്ന് പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News