ഒരുകാലത്ത് കേരള പോലീസിലെ മികച്ച അന്വേഷണ ഉദ്യോഗസ്ഥനായിരുന്ന ഹക്കിം ബത്തേരിയെ സര്‍വീസിലുടനീളം വിവാദങ്ങള്‍ പിന്തുടര്‍ന്നു. കൂത്തുപറമ്പ് വെടിവെപ്പുകേസുമായി ബന്ധപ്പെട്ട് അറസ്റ്റുചെയ്യുകയും സസ്‌പെന്‍ഡ്‌ചെയ്യുകയും ചെയ്തു. മന്ത്രിയായിരുന്ന എം.വി.രാഘവന്റെ സുരക്ഷാ ചുമതലയുള്ള ഉദ്യോഗസ്ഥനെന്ന നിലയിലാണ് അദ്ദേഹം കൂത്തുപറമ്പില്‍ പോയത്. സസ്‌പെന്‍ഷനിലിരിക്കെത്തന്നെ സര്‍വീസില്‍നിന്ന് വിരമിച്ചു. പിന്നീട് ഹൈക്കോടതിയെ സമീപിച്ചാണ് ശമ്പളവും പെന്‍ഷനുമുള്‍പ്പെടെയുള്ള ആനുകൂല്യങ്ങള്‍ നേടിയെടുത്തത്.
1970ല്‍ പട്ടാമ്പി പോലീസ്‌സ്റ്റേഷനില്‍ എസ്.ഐ. ആയാണ് സര്‍വീസില്‍ പ്രവേശിച്ചത്. കണ്ണൂര്‍ ജില്ലയിലെ വിവിധ പോലീസ്‌സ്റ്റേഷനുകളില്‍ എസ്.ഐ. ആയും ഇരിട്ടി, തളിപ്പറമ്പ്, പയ്യന്നൂര്‍, കണ്ണൂര്‍ സ്റ്റേഷനുകളില്‍ സി.ഐ. ആയും എറണാകുളം, തളിപ്പറമ്പ്, കണ്ണൂര്‍, കണ്ണൂര്‍ ക്രൈം ഡിറ്റാച്ച്‌മെന്റ് എന്നിവിടങ്ങളില്‍ ഡിവൈ.എസ്.പി. ആയും പ്രവര്‍ത്തിച്ചു. സര്‍വീസ്‌കാലത്ത് നിരവധി കൊലപാതക, കവര്‍ച്ചാ കേസുകള്‍ക്ക് തുമ്പുണ്ടാക്കി. കുപ്രസിദ്ധ കൊലയാളികളായ റിപ്പര്‍ ചന്ദ്രന്‍, പനക്കല്‍ ചന്ദ്രന്‍ തുടങ്ങിയവരെ പിടികൂടുന്നതില്‍ പ്രധാന പങ്കുവഹിച്ചു. പൂളക്കുറ്റി ബാങ്ക് കവര്‍ച്ച ഉള്‍പ്പെടെ നിരവധി മോഷണക്കേസുകളും തെളിയിച്ചു.
കാസര്‍കോട് കുമ്പള ബത്തേരിയിലെ പരേതരായ ഹസ്സന്‍കുഞ്ഞിന്റെയും ബീഫാത്തിമയുടെയും മകനാണ്. ഭാര്യ: പരേതയായ നബീസ. മകള്‍: സബിത ബത്തേരി. മരുമകന്‍: ഡോ. മുഹമ്മദ് ഷഹീര്‍. സഹോദരങ്ങള്‍: അബ്ദുള്‍ഖാദര്‍, പരേതരായ അഡ്വ. മുഹമ്മദ് ബത്തേരി, ബീവി. കബറടക്കം ഞായറാഴ്ച രാവിലെ പത്തിന് കണ്ണൂര്‍ സിറ്റി ജമാഅത്ത് പള്ളി കബര്‍സ്ഥാനില്‍.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment