ഞായറാഴ്ച പുലര്‍ച്ചെ മൂന്നുമണിയോടെയാണ് സംഭവം. എറണാകുളത്ത് ജോലി ചെയ്യുന്ന കല്ലിയോട്ട്മുക്ക് സ്വദേശിയാണ് കൊലപാതകത്തിന്റെ പിന്നിലെന്ന് പോലീസ് സംശയിക്കുന്നു.
മൂന്നുമണിയോടെ വീട്ടിലെത്തിയ അക്രമി ഗിരീഷിനെ വിളിച്ചുണര്‍ത്തി വരാന്തയില്‍വെച്ച് കുത്തിവീഴ്ത്തുകയായിരുന്നുവെന്ന് പോലീസ് പറഞ്ഞു. വീട്ടിലുണ്ടായിരുന്ന ഭാര്യയും അമ്മയും ബഹളംവെച്ചപ്പോള്‍ അക്രമി ഓടിരക്ഷപ്പെട്ടു.
നാട്ടുകാര്‍ വിവരം അറിയിച്ചതിനെത്തുടര്‍ന്ന് പോലീസ് എത്തി ഗിരീഷിനെ ജില്ലാ ആസ്പത്രിയിലെത്തിച്ചെങ്കിലും രക്ഷിക്കാനായില്ല. രക്തംവാര്‍ന്നാണ് ഗിരീഷ് മരിച്ചത്.
നെഞ്ചില്‍ രണ്ടും പുറത്ത് ഒന്നും കാലില്‍ രണ്ടും കുത്തുകളേറ്റിട്ടുണ്ട്. കുടുംബപ്രശ്‌നത്തില്‍ ഗിരീഷ് ഇടപെട്ടതാണ് വൈരാഗ്യത്തിന് കാരണമെന്നാണ് പോലീസ് പറയുന്നത്.
പുല്പള്ളി സി.ഐ. എസ്. അര്‍ഷാദ് ഇന്‍ക്വസ്റ്റ് നടത്തിയശേഷം മൃതദേഹം പോസ്റ്റ്‌മോര്‍ട്ടത്തിന് കോഴിക്കോട് മെഡിക്കല്‍കോളേജ് ആസ്പത്രിയിലേക്ക് കൊണ്ടുപോയി.
ഭൂമിയിടപാട് ദല്ലാളായി പ്രവര്‍ത്തിച്ചുവരികയായിരുന്നു ഗിരീഷ്. ഭാര്യ: രജിത. മകള്‍: ഐശ്വര്യ (7-ാംക്ലാസ് വിദ്യാര്‍ഥിനി, എം.ജി.എം. ഹയര്‍ സെക്കന്‍ഡറി സ്‌കൂള്‍, മാനന്തവാടി).
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment