"കഅ്ബയെ തൊട്ട നിമിഷം" പ്രകാശനം ചെയ്തു

കാസര്‍കോട്: മാധ്യമ പ്രവര്‍ത്തകന്‍ ടി.എ ഷാഫി എഴുതിയ കഅ്ബയെ തൊട്ട നിമിഷം എന്ന യാത്രാ വിവരണം ജില്ലാ കലക്ടര്‍ പി.എസ് മുഹമ്മദ് സഗീര്‍ പ്രകാശനം ചെയ്തു. വെല്‍ഫിറ്റ് ഗ്രൂപ്പ് ചെയര്‍മാന്‍ യഹ്‌യ തളങ്കര പുസ്തകം ഏറ്റുവാങ്ങി. നഗരസഭാ ചെയര്‍മാന്‍ ടി.ഇ അബ്ദുല്ല ചടങ്ങ് ഉദ്ഘാടനം ചെയ്തു.

കാസര്‍കോട് സാഹിത്യവേദി പ്രസിഡണ്ട് റഹ്മാന്‍ തായലങ്ങാടി പുസ്തകം പരിചയപ്പെടുത്തി. പ്രസ്‌ക്ലബ്ബ് പ്രസിഡണ്ട് എം.ഒ വര്‍ഗീസ് അധ്യക്ഷത വഹിച്ചു. പി.ആര്‍.ഡി മേഖലാ ഡെപ്യൂട്ടി ഡയറക്ടര്‍ കെ. അബ്ദുല്‍ റഹ്മാന്‍, ഡി.വൈ.എസ്.പി ടി.പി രഞ്ജിത്ത്, നാരായണന്‍ പേരിയ, വി.വി പ്രഭാകരന്‍, ഉണ്ണികൃഷ്ണന്‍ പുഷ്പഗിരി, പി.എസ് ഹമീദ്, മുജീബ് അഹ്മദ്, എന്‍.എച്ച് അന്‍വര്‍, സി.എല്‍ ഹമീദ്, കെ.എം. അബ്ദുല്‍ ഹമീദ് ഹാജി, എല്‍.എ മഹ്മൂദ് ഹാജി, കെ.എം അബ്ദുല്‍ റഹ്മാന്‍, എരിയാല്‍ ഷരീഫ്, കെ.എ മുഹമ്മദ് ബഷീര്‍, ഖയ്യൂം മാന്യ പ്രസംഗിച്ചു.

പുസ്തകത്തിന്റെ ആദ്യവില്‍പ്പന ടൈലര്‍ ഭാസ്‌കരന്‍ ഉളിയക്ക് നല്‍കി ഈസ്റ്റാര്‍ ഗ്രൂപ്പ് ചെയര്‍മാന്‍ മൊയ്‌നുദ്ദീന്‍ കെ.കെ പുറം നിര്‍വഹിച്ചു. ടി.എ ഷാഫി മറുപടി പ്രസംഗം നടത്തി. ഹരീഷ് പന്തക്കല്‍ സ്വാഗതവും ഷാഫി എ നെല്ലിക്കുന്ന് നന്ദിയും പറഞ്ഞു.


Keywords: Kasargod, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News