ജയ്പുരിന് സമീപം ഹസന്‍പുര സ്വദേശിയായ ജാനകി ലാലിന്റെ ഭാര്യ പിങ്കിയെ പ്രസവവേദനയെ തുടര്‍ന്ന് ബുധനാഴ്ച രാത്രി ഏഴ് മണിക്കാണ് ആസ്പത്രിയില്‍ പ്രവേശിപ്പിച്ചത്. എന്നാല്‍, പ്രസവതീയതി ജൂണ്‍ പതിനൊന്നിനാണെന്ന് പറഞ്ഞ് ആസ്പത്രി അധികൃതര്‍ പിങ്കിയെ മടക്കുകയാണ് ഉണ്ടായത്.
ഭര്‍ത്താവിനൊപ്പം വീട്ടിലേയ്ക്ക് മടങ്ങുമ്പോള്‍ ഓട്ടോയില്‍ വച്ച് തന്നെ പിങ്കി പ്രസവിച്ചു. കുഞ്ഞിനെയും അമ്മയെയും കൊണ്ട് ജാനകി ലാല്‍ തിരിച്ച് ആസ്പത്രിയില്‍ തന്നെ എത്തിച്ചെങ്കിലും കുഞ്ഞിനെ രക്ഷിക്കാനായില്ല.
ക്ഷുഭിതനായ ജാനകി ലാല്‍ തന്റെ കുഞ്ഞിന്റെ മരണത്തിന് ഉത്തരവാദികളായവര്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് ആസ്പത്രിയില്‍ ധര്‍ണ നടത്തി. എന്നാല്‍, ആസ്പത്രി അധികൃതര്‍ക്കെതിരെ കേസെടുക്കാന്‍ പോലീസ് ഇതുവരെ തയ്യാറായിട്ടില്ല.
Keywords: National News, MalabarFlash, Malabar Vartha, Malabar News, Malayalam News
No comments:
Post a Comment