വീട്ടുകാരെല്ലാം ഉറങ്ങിയശേഷം അടുത്ത മുറിയിൽ ഉറങ്ങുകയായിരുന്ന സഹോദരന്മാരായ മുഹമ്മദിനെയും അഹമ്മദിനെയും നബീൽ തന്‍റെ മുറിയിലെത്തിച്ചു. മാതാപിതാക്കൾ ഉറങ്ങുന്ന മുറി പൂട്ടിയിട്ടശേഷം പാചകത്തിന് ഉപയോഗിക്കുന്ന കത്തികൊണ്ട് ആദ്യം മുഹമ്മദിന്‍റെ നെഞ്ചിനു കുത്തി. തുടർന്ന് അഹമ്മദിന്‍റെ നെഞ്ചിനു കുത്തിയെങ്കിലും ബഹളം കേട്ട് അടുത്ത മുറിയിൽ ഉറങ്ങുകയായിരുന്ന സഹോദരി എഴുന്നേറ്റു വന്നു മാതാപിതാക്കളെ വിളിച്ചുണർത്തി. ചോര വാർന്ന നിലയിൽ ഇരുവരെയും സ്വന്തം വാഹനത്തിൽ മാതാപിതാക്കളോടൊപ്പം നബീൽ തന്നെയാണ് വളാഞ്ചേരി ആശുപത്രിയിലെത്തിച്ചത്. ഗുരുതര പരിക്കേറ്റ ഇരുവരെയും വളാഞ്ചേരി സ്വകാര്യ ആശുപത്രിയിൽ എത്തിച്ചെങ്കിലും മുഹമ്മദ് മരിച്ചിരുന്നു.
മൂന്നിഞ്ച് ആഴത്തിലുള്ള മുറിവാണ് മുഹമ്മദിന്‍റെ ശരീരത്തിലുണ്ടായതെന്നും ഹൃദയത്തിൽ ആഴത്തിലേറ്റ മുറിവു കാരണം പെട്ടെന്നുതന്നെ കുട്ടി മരിച്ചെന്നും ഡോക്ടർമാർ അറിയിച്ചു. അനുജൻ മരിച്ചതറിഞ്ഞ് ഓടി രക്ഷപ്പെടാൻ ശ്രമിച്ച നബീൽ ഇബ്രാഹിമിനെ നാട്ടുകാർ പിടികൂടി വളാഞ്ചേരി പോലീസിനു കൈമാറി. ഇയാളെ പിന്നീട് കേസ് അന്വേഷിക്കുന്ന കൊപ്പം പോലീസിനു വിട്ടു കൊടുത്തു.
കോയന്പത്തൂർ സുളൂർ ആർവിഎസ് മെഡിക്കൽ കോളജിൽ മൈക്രോ ബയോളജി അവസാന വർഷ വിദ്യാർഥിയാണ് പ്രതി നബീൽ. മരിച്ച മുഹമ്മദ് നരിപ്പറന്പ് ഗവ. യുപി സ്കൂൾ നാലാം ക്ലാസ് വിദ്യാർഥിയും അഹമ്മദ് നെടുങ്ങോട്ടൂർ എഎൽപി സ്കൂൾ മൂന്നാം ക്ലാസ് വിദ്യാർഥിയുമാണ്. ഇതേ സ്കൂളിലെ അധ്യാപിക സാഹിറയാണ് അമ്മ. ഏകസഹോദരി: നജ്വ (മജ്ലിസ് ആർട്സ് കോളജ് പുറമണ്ണൂർ).
കോളജിൽ വിദ്യാർഥികളുമായി പ്രശ്നമുണ്ടാക്കി വെള്ളിയാഴ്ചയാണ് നബീൽ നാട്ടിലെത്തിയത്. വിദേശത്തു ജോലിയുള്ള പിതാവ് ഇബ്രാഹിം വെള്ളിയാഴ്ച നാട്ടിലെത്തിയിരുന്നു.
No comments:
Post a Comment