പ്രതികള് സമൂഹത്തിന് ഭീഷണിയാണെന്നും കരുതിക്കൂട്ടിയുള്ള കൊലപാതകമായിരുന്നു ഇതെന്നും കോടതി വിലയിരുത്തി. വധശിക്ഷയ്ക്ക് പുറമേ ഗൂഢാലോചന, തട്ടിക്കൊണ്ടുപോകല് തുടങ്ങിയ കുറ്റകൃത്യങ്ങള്ക്ക് തടവും വിധിച്ചിട്ടുണ്ട്. 2011 ആഗസ്റ്റ് എട്ടിന് മാനന്തവാടിയിലെ കോളജിലേക്ക് പോയ അനിത പിന്നീട് മടങ്ങിയെത്തിയിരുന്നില്ല. 21 ന് അനിതയുടെ മൃതദേഹം അപ്പപ്പാറ വനത്തില് കണ്ടെത്തുകയായിരുന്നു. ഭാര്യയും മൂന്ന് മക്കളുമുള്ള നാസര് അനിതയെ അനിതയെ പ്രണയം നടിച്ച് വശത്താക്കി തട്ടിക്കൊണ്ടുപോയി കൊലപ്പെടുത്തുകയായിരുന്നു. കഴുത്തില് ഷാള് മുറുക്കി കൊലപ്പെടുത്തിയ ശേഷം ആഭരണങ്ങള് കവരുകയും ഗഫൂറുമായി ചേര്ന്ന് ബാഗും വസ്ത്രങ്ങളും ചെളിയില് ചവിട്ടിത്താഴ്ത്തുകയുമായിരുന്നു.
തിരുനെല്ലിയിലേക്കെന്നു പറഞ്ഞാണ് നാസര് അനിതയെ കൂട്ടിക്കൊണ്ടുപോയത്. പടിഞ്ഞാറത്തറ പതിമൂന്നാം മൈല് അനിത നിവാസില് വിശ്വനാഥന് നായരുടെയും സുലോചനയുടെയും മകളാണ് അനിത. ഇരുപതാം പിറന്നാളിന് ശേഷം നാലു ദിവസം കഴിഞ്ഞപ്പോഴായിരുന്നു അനിത കൊല്ലപ്പെട്ടത്. മൊബൈല് ഫോണ് വഴിയാണ് നാസര് അനിതയെ വശത്താക്കിയത്. അനിതയുടെ വീടിന് സമീപം ദുര്മന്ത്രവാദിയായി ജീവിച്ച നാസര് പ്രണയം തീവ്രമായപ്പോള് അനിതയെ ഒഴിവാക്കാന് വേണ്ടിയാണ് കൊലപാതകം ആസൂത്രണം ചെയ്തത്.
No comments:
Post a Comment