ഏറെ കൊട്ടിഘോഷിക്കപ്പെട്ട മഞ്ജു വാര്യരുടെ തിരിച്ചുവരവ് അനിശ്ചിതത്വത്തില്‍

കൊച്ചി: ഏറെ കൊട്ടിഘോഷിക്കപ്പെട്ട നടി മഞ്ജു വാര്യരുടെ തിരിച്ചുവരവ് അനിശ്ചിതത്വത്തില്‍. രഞ്ജിത്ത് സംവിധായനാകുന്ന ചിത്രത്തില്‍ മോഹന്‍ലാലിന്റെ നായികയായാണ് മഞ്ജു വാര്യരുടെ തിരിച്ചുവരവെന്നായിരുന്നു വാര്‍ത്തകള്‍. രഞ്ജിത്തും മഞ്ജു വാര്യരും ഇക്കാര്യം സ്ഥിതീകരിച്ചിരുന്നു.

എന്നാലിപ്പോള്‍ രഞ്ജിത്തിന്റെ മോഹന്‍ലാല്‍ ചിത്രത്തില്‍ മഞ്ജു നായികയാകില്ലെന്നാണ് റിപ്പോര്‍ട്ടുകള്‍. രഞ്ജിത്ത് തന്നെ തയ്യാറാക്കിയ തിരക്കഥയില്‍ നായികയ്ക്ക് പ്രാധാന്യമില്ലാത്തതാണ് മഞ്ജുവിനെ തത്കാലം മാറ്റി നിര്‍ത്താന്‍ കാരണമെന്നാണ് വിവരം.

നായികയ്ക്ക് വലിയ പ്രാധാന്യമില്ലെന്നും ചിത്രത്തില്‍ വെറുമൊരു അലങ്കാരവസ്തുവാക്കി ഒട്ടും പ്രധാന്യമില്ലാത്ത ഒരു നായികയായി മഞ്ജുവിനെ അഭിനയിപ്പിക്കാന്‍ കഴിയില്ലെന്നാണ് രഞ്ജിത്തിന്റെ നിലപാട്.

ജി ഫോര്‍ ഗോള്‍ഡ് എന്ന് പേരിട്ടിരിക്കുന്ന പുതിയ ചിത്രം ഒരു സമ്പൂര്‍ണ രഞ്ജിത്ത് മോഹന്‍ലാല്‍ ചിത്രമായിരിക്കുമെന്നും സംവിധായകന്‍ പറയുന്നു. ആശീര്‍വാദ് സിനിമാസ് തന്നെയാണ് ഈ ചിത്രം ഒരുക്കുന്നത്. ജനുവരി പത്തുമുതല്‍ ചിത്രത്തിന്റെ ഷൂട്ടിങ് ആരംഭിയ്ക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Manju Warrier, Entertainment News