എ കെ ജിയെ ഹൈന്ദവ നേതാവായി ചിത്രീകരിക്കുന്നത് നെറികേട്: പിണറായി

കണ്ണൂര്‍: എ കെ ജിയെ ഹൈന്ദവ നേതാവായി ചിത്രീകരിക്കാന്‍ വി എച്ച് പിയും ആര്‍ എസ് എസ്സും നടത്തുന്ന ശ്രമം നെറികേടാണെന്ന് സി പി എം സംസ്ഥാന സെക്രട്ടറി പിണറായി വിജയന്‍. ഗുരുവായൂര്‍ സത്യഗ്രഹത്തില്‍ പങ്കെടുത്തതുകൊണ്ട് ഒരാള്‍ ഹൈന്ദവ നേതാവാകില്ല. സി പി എം നേതാവെന്ന നിലയിലാണ് അദ്ദേഹം സത്യഗ്രഹത്തില്‍ പങ്കെടുത്തത്.
സി പി എം നേതാവെന്ന നിലയില്‍ നിരവധി വിഷയങ്ങളില്‍ എ കെ ജി ഇടപെട്ടിട്ടുണ്ട്. ജീവിച്ചിരുന്ന കാലത്ത് അദ്ദേഹത്തെ എതിര്‍ത്തവര്‍ നിരവധിയാണ്. പിന്നീട് എതിര്‍ത്തവര്‍പോലും അദ്ദേഹത്തെ അംഗീകരിച്ചുവെന്ന് പിണറായി കൂട്ടിച്ചേര്‍ത്തു. എ കെ ജി ദിനാചരണത്തിന്റെ ഭാഗമായി കണ്ണൂരില്‍ നടന്ന ചടങ്ങിലാണ് അദ്ദേഹം ഇക്കാര്യങ്ങള്‍ പറഞ്ഞത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News