കൊല്ലത്ത് വാഹനാപകടത്തില്‍ മൂന്നു പേര്‍ മരിച്ചു

കൊല്ലം: കൊല്ലം ജില്ലയിലെ ചാത്തന്നൂരില്‍ നിര്‍ത്തിയിട്ടിരുന്ന ടിപ്പര്‍ ലോറിയില്‍ കാര്‍ ഇടിച്ച് മൂന്ന് പേര്‍ മരിച്ചു. രണ്ടു പേര്‍ക്ക് ഗുരുതരമായി പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. കരുനാഗപ്പള്ളി സ്വദേശി ഷെബിന്‍, പത്തനംതിട്ട കൈപ്പട്ടൂര്‍ സ്വദേശി അതുല്‍, ഇരവിപുരം കാവില്‍പുര സ്വദേശി അര്‍ജുന്‍ എന്നിവരാണ് മരിച്ചത്. അയത്തില്‍ ഗോപാലശേരി സ്വദേശി ശ്രീജിത്തിത്താണ് പരിക്കേറ്റവരില്‍ ഒരാള്‍. സ്വകാര്യ എഞ്ചിനിയറിംഗ് കോളജിലെ വിദ്യാര്‍ഥികളാണ് അപകടത്തില്‍പെട്ടത്.
ദേശീയ പാതയില്‍ ഞയറാഴ്ച രാത്രി 10.30 ഓടെയാണ് അപകടമുണ്ടായത്. അഞ്ച് പേരാണ് കാറില്‍ യാത്ര ചെയ്തിരുന്നത്. എറണാകുളത്തു നിന്നും വന്ന സംഘത്തിന്റെ കാറാണ് അപകടത്തില്‍പെട്ടത്. മൃതദേഹങ്ങള്‍ ചാത്തന്നൂരിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.