ഉംറ തീര്‍ത്ഥാടകരെ വരവേല്‍ക്കാന്‍ ഒരുക്കങ്ങള്‍ പൂര്‍ത്തിയായി

ജിദ്ദ: ഉംറ സീസണ്‍ തുടങ്ങാനിരിക്കേ തീര്‍ത്ഥാടകരെ വരവേല്ക്കാനുള്ള എല്ലാ ഒരുക്കങ്ങളും പൂര്‍ത്തിയായതായി ഹജ്ജ് മന്ത്രാലയം അറിയിച്ചു. അമ്പത് ലക്ഷത്തോളം വരുന്ന തീര്‍ത്ഥാടകരെയാണ് ഇക്കുറി പ്രതീക്ഷിക്കുന്നത്.

ഡിസംബര്‍ നാല് മുതല്‍ ഉംറ വിസയ്ക്കായുള്ള അപേക്ഷകള്‍ സ്വീകരിച്ചു തുടങ്ങുമെന്നും ഹജ്ജ്-ഉംറ അഫയേഴ്‌സ് ഡെപ്യൂട്ടി മിനിസ്റ്റര്‍ ഇസ റോവാസ് അറിയിച്ചു. ഈ മാസം അവസാനത്തോടെ ഉംറയ്ക്കായി തീര്‍ത്ഥാടകര്‍ മക്കയില്‍ എത്തിത്തുടങ്ങും. കഴിഞ്ഞ സീസണില്‍ 52 ലക്ഷം തീര്‍ത്ഥാടകരാണ് ഉംറയ്‌ക്കെത്തിയത്. അറുപത്തിയഞ്ച് രാജ്യങ്ങളില്‍ നിന്നുള്ള തീര്‍ത്ഥാടകര്‍ക്ക് ഉംറ വിസ കാലാവധി ദീര്‍ഘിപ്പിക്കാനുള്ള അനുമതി പ്രഖ്യാപിച്ച ശേഷമുള്ള ആദ്യ സീസണാണിത്. 

ഉംറയ്ക്ക് ശേഷം വിസ ടൂറിസ്റ്റ് വിസയാക്കി മാറ്റി കൂടുതല്‍ ദിവസം സൗദിയില്‍ തങ്ങി വിനോദകേന്ദ്രങ്ങളും മറ്റും സന്ദര്‍ശിക്കാനുള്ള അവസരമാണ് തീര്‍ത്ഥാടകര്‍ക്ക് കൈവരുന്നത്. തീര്‍ത്ഥാടകരുടെ സുരക്ഷയും സൗകര്യവും ഉറപ്പുവരുത്താനായി അത്യന്താധുനിക സംവിധാനങ്ങളാണ് ഒരുക്കിയിട്ടുള്ളത്. 

ഉംറ തീര്‍ത്ഥാടകര്‍ക്കായി കിംഗ് അബ്ദുള്‍ അസീസ് അന്താരാഷ്ട്ര വിമാനത്താവളത്തിലെ ഹജ്ജ് ടെര്‍മിനലില്‍ പതിനാല് അറൈവല്‍ ഹാളുകള്‍ സജ്ജീകരിച്ചിട്ടുണ്ട്

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News