ഭിക്ഷക്കാരിയുടെ സമ്പാദ്യം അഞ്ചുകോടി രൂപ!

ജിദ്ദ : സൗദി അറേബ്യയില്‍ ജിദ്ദ നഗരത്തിലെ തെരുവില്‍ പതിറ്റാണ്ടുകളോളം ഭിക്ഷ യാചിച്ച സ്ത്രീ നൂറാംവയസില്‍ മരിച്ചത് അഞ്ചുകോടി രൂപയുടെ സമ്പാദ്യം ബാക്കിവെച്ചിട്ടെന്ന് 'സൗദി ഗസറ്റ് ' റിപ്പോര്‍ട്ടില്‍ പറയുന്നു.

ഐഷയുടെ സമ്പാദ്യം കൈകാര്യം ചെയ്തിരുന്ന ബാല്യകാല സുഹൃത്തായ അഹമ്മദ് അല്‍ സയീദിയാണ് സമ്പാദ്യകാര്യം വെളിപ്പെടുത്തിയത്. മരണശേഷം അവരുടെ സമ്പാദ്യം മുഴുവന്‍ അധികൃതര്‍ക്ക് കൈമാറി.

ഐഷയെന്ന യാചകിയ്ക്ക് സ്വര്‍ണവും ആഭരണങ്ങളുമൊക്കെയായി 30 ലക്ഷം റിയാല്‍ (49600,000 രൂപ) സമ്പാദ്യമുണ്ടായിരുന്നു . നാല് കെട്ടിടങ്ങളുടെ ഉടമയുമായിരുന്നു.ആ കെട്ടിടങ്ങളില്‍ ഒട്ടേറെ കുടുംബങ്ങള്‍ താമസിക്കുന്നുണ്ട്. ഐഷ വാടക ഈടാക്കിയിരുന്നില്ലെന്ന് താമസക്കാര്‍ പറഞ്ഞു.അമ്മയ്ക്കും സഹോദരിക്കുമൊപ്പം തെരുവില്‍ ഭിക്ഷയാചിച്ചുണ്ടാക്കിയതാണ് ഐഷയുടെ സമ്പാദ്യത്തില്‍ സിംഹഭാഗവും . അമ്മയും സഹോദരിയും നേരത്തെ മരിച്ചു. ഭിക്ഷാടനം നിറുത്താന്‍ ഐഷയോട് പല തവണ അഭ്യര്‍ഥിച്ചിട്ടും അവര്‍ സമ്മതിച്ചില്ലെന്നും സയീദി പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Soudi Beggar, Gulf News.