തിരുവനന്തപുരംനിലമ്പൂര്‍ അമൃത രാജ്യറാണി എക്‌സ്പ്രസില്‍ വെളളിയാഴ്ച പുലര്‍ച്ചെ ഒന്നോടെയാണ് സംഭവം. ചെങ്ങന്നൂരില്‍ വച്ചാണ് യുവതിക്ക് ലീഗ് നേതാവില്‍ നിന്ന് ദുരനുഭവം ഉണ്ടായത്.
ട്രെയിനിലെ എസ്എന്‍ 1 കോച്ചിലെ യാത്രക്കാരിയായ മലപ്പുറം സ്വദേശിനിയെയാണ് റഹ്മത്തുള്ള ചുംബിച്ചത്. ബന്ധുവിന്റെ ചികിത്സയ്ക്കായി തിരുവനന്തപുരത്ത് പോയി മടങ്ങുകയായിരുന്നു നഴ്‌സായ യുവതി.
മദ്യലഹരിയിലായിരുന്ന റഹ്മത്തുള്ള അയാളുടെ ഇരിപ്പിടം വിട്ട് ഇവര്‍ കിടന്ന ബര്‍ത്തിന് സമീപത്തെ സീറ്റില്‍ വന്ന് ഇരിക്കുകയായിരുന്നു. യാത്രക്കാരെല്ലാം ഉറക്കമായതിനു പിന്നാലെ ഇയാള്‍ യുവതിയെ ചുംബിക്കുകയായിരുന്നു.
ഉറക്കത്തില്‍ നിന്ന് ഞെട്ടിയുണര്‍ന്ന യുവതി നിലവിളിച്ച് ബഹളം വച്ചതോടെ ഒപ്പമുണ്ടായിരുന്ന യാത്രക്കാര്‍ റഹ്മത്തുള്ളയെ പിടികൂടി പൊലീസില്‍ വിവരമറിയിക്കുകയായിരുന്നു.
അതിനിടെ, ലീഗ് നേതാവാണെന്ന് പറഞ്ഞ് യാത്രക്കാരെയും പൊലീസുകാരെയും ഇയാള്‍ വിരട്ടുകയും ചെയ്തു. പൊലീസ് സ്‌റ്റേഷനിലും ഏറെനേരം ബഹളം വച്ചു. ലീഗിന്റെ പഞ്ചായത്ത് കമ്മിറ്റി പ്രസിഡന്റാണ് ഇയാളെന്നാണ് ചോദ്യം ചെയ്യലില്‍ പൊലീസിനോട് പറഞ്ഞത്. യുവതിയുടെ പരാതിയില്‍ ഇയാള്‍ക്കെതിരെ പൊലീസ് കേസെടുത്തിട്ടുണ്ട്.
Keywords: Kerala News, MalabarFlash, Malabar Vartha, Malabar News, Malayalam News
No comments:
Post a Comment