വീട്ടില്‍ മറ്റാരുമില്ലാതിരുന്ന സമയത്ത് മദ്യലഹരിയില്‍ എത്തിയ പിതാവ് തന്റെ മൊബൈല്‍ ഫോണ്‍ ഉപയോഗിച്ച് മകളുടെ നഗ്ന ദൃശ്യം മൊബൈലില്‍ പകര്‍ത്താന്‍ ശ്രമിക്കുകയായിരുന്നു.
വീട്ടിനകത്തെ മുറിയില്‍ വസ്ത്രം മാറുകയായിരുന്ന കുട്ടി അറിയാതെ ഫോട്ടോ എടുക്കുക എന്നതായിരുന്നു ഇയാളുടെ ഉദ്ദേശ്യം. എന്നാല്‍ തന്റെ നഗ്നത പിതാവ് മൊബൈലില്‍ പകര്‍ത്തുന്നത് കുട്ടിയുടെ ശ്രദ്ധയില്‍ പെടുകയും ബഹളം വെക്കുകയും ചെയ്തതോടെ ഇയാള്‍ തന്റെ ശ്രമം ഉപേക്ഷിക്കുകയായിരുന്നു.
പിതാവിന്റെ ഇത്തരമൊരു നീക്കം പെണ്‍കുട്ടി പിന്നീട് അമ്മൂമ്മയുടെ ശ്രദ്ധയില്‍ പെടുത്തി. തുടര്‍ന്ന് വീട്ടുകാര്‍ കുട്ടിയെയും കൂട്ടി രാജപുരം പോലീസ് സ്റ്റേഷനില്‍ എത്തുകയും രേഖാമൂലം പരാതി നല്‍കുകയുമായിരുന്നു.
പോലീസ് കേസെടുത്ത് അന്വേഷണം നടത്തുകയും പ്രതിയായ പിതാവിനെ ശനിയാഴ്ച് രാവിലെ കസ്റ്റഡിയിലെടുക്കുകയും ചെയ്തു.
കുട്ടിയോട് ഇതിനുമുമ്പും പിതാവ് ഇത്തരത്തില്‍ അപമര്യാദയായി പെരുമാറിയിരുന്നതായി പോലീസ് അന്വേഷണത്തില്‍ വ്യക്തമായിട്ടുണ്ട്. സംഭവം സംബന്ധിച്ച് ചൈല്‍ഡ്‌ലൈനും അന്വേഷണം ആരംഭിച്ചു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment