തലശ്ശേരി : നിക്ഷേപകരുടെ അറിവോ സമ്മതമോ ഇല്ലാതെ ബാങ്ക് മാനേജര് ലോണ് വഴി നിക്ഷേപകരുടെ 15ലക്ഷത്തോളം രൂപ അപഹരിച്ചതായി പോലീസില് പരാതി. തലശ്ശേരി സംഗമം കെട്ടിടത്തില് പ്രവര്ത്തിച്ചുവരുന്ന ആന്ധ്ര നാഷണലൈസ്ഡ് ബാങ്കില് നിന്നാണ് മുന് മാനേജര് രജീന്ദ്രന് പണം അപഹരിച്ചതായി പരാതിയുയര്ന്നത്. നിലവിലുള്ള മാനേജര് ദിവാകരനാണ് ഇത് സംബന്ധിച്ച് പോലീസില് പരാതി നല്കിയത്.
2009 നവംബര് മാസം മുതല് 2011 ഡിസംബര് വരെയാണ് രജീന്ദ്രന് ബാങ്ക്മാനേജറായി ജോലി ചെയ്തത്. ഈ കാലയളവില് സ്ഥിരം നിക്ഷേപകരുടെ അറിവോ സമ്മതമോ ഇല്ലാതെ ഫിക്സ്ഡ് ഡിപ്പോസിറ്റില് നിന്നും വ്യാജമായി ലോണ് സമ്പാദിച്ചു വെന്നാണ് ആരോണം. നിക്ഷേപകര് അവരുടെ നിക്ഷേപത്തില് നിന്നും പണം ആവശ്യപ്പെട്ടപ്പോഴാണ് വ്യാജമായി ലോണ് എടുത്തതായി അറിയുന്നത്. തലശ്ശേരി പോലീസ് കേസെത്തു.
No comments:
Post a Comment