സി.പി.എം.നേതാവിന്റെ കാര്‍ തകര്‍ത്തു; അനുജന്റെ വീടിനുനേരെയും അക്രമം

ശ്രീകണ്ഠപുരം: സി.പി.എം. ശ്രീകണ്ഠപുരം ഏരിയാ കമ്മിറ്റിയംഗവും മുന്‍ ഗ്രാമപ്പഞ്ചായത്ത് പ്രസിഡന്റുമായ എം.സി.ഹരിദാസന്റെ കാവുമ്പായിയിലെ വീട്ടുമുറ്റത്ത് നിര്‍ത്തിയിട്ട കാറിന്റെ ചില്ലുകള്‍ അടിച്ചുതകര്‍ത്തു. ഹരിദാസന്റെ അനുജന്‍ എം.സി.വിജയന്റെ കാവുമ്പായി പാലത്തിന് സമീപമുള്ള വീടിനുനേരെയും കല്ലേറുണ്ടായി. കല്ലേറില്‍ രണ്ടു ജനല്‍ച്ചില്ലുകള്‍ തകര്‍ന്നു. ബുധനാഴ്ച രാത്രിയിലാണ് അക്രമം.
ഹരിദാസന്റെ മാരുതി സ്വിഫ്റ്റ് കാറാണ് തകര്‍ക്കപ്പെട്ടത്. രാഷ്ട്രീയ സംഘര്‍ഷങ്ങളോ മറ്റു പ്രശ്‌നങ്ങളോ ഇല്ലാത്ത കാവുമ്പായിയില്‍ നടന്ന അക്രമത്തിന് പിന്നില്‍ വ്യക്തി വൈരാഗ്യമാണെന്നാണ് കരുതപ്പെടുന്നത്. ശ്രീകണ്ഠപുരം എസ്.ഐ. കെ.സുധീറിന്റെ നേതൃത്വത്തില്‍ പോലീസ് അന്വേഷണം തുടങ്ങി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News