ഓട്ടോറിക്ഷയില്‍ കടത്തിയ 110 കിലോ കഞ്ചാവുമായി യുവാവ് അറസ്റ്റില്‍

കാസര്‍കോട്: ഓട്ടോറിക്ഷയില്‍ കടത്തിയ 110 കിലോ കഞ്ചാവുമായി യുവാവിനെ അറസ്റ്റ് ചെയ്തു. കാസര്‍കോട് ഫോര്‍ട്ട് റോഡിലെ മുഹമ്മദ് ഉസ്മാനെ(35)യാണ് സി.ഐ സി കെ സുനില്‍കുമാറും സംഘവും പിടികൂടിയത്. ബുധനാഴ്ച വൈകീട്ട് ഹൊന്നമൂലയിലാണു സംഭവം. രഹസ്യവിവരത്തെ തുടര്‍ന്നായിരുന്നു നടപടി. നാലു ചാക്കുകളിലായി സൂക്ഷിച്ച നിലയിലായിരുന്നു കഞ്ചാവ്. അതേസമയം, കഞ്ചാവാണ് കയറ്റിയതെന്ന് അറിഞ്ഞിരുന്നില്ലെന്ന് ഓട്ടോറിക്ഷാ ഡ്രൈവര്‍ പോലിസിനോടു പറഞ്ഞു. പ്രതിയെ വ്യാഴാഴ്ച കോടതിയില്‍ ഹാജരാക്കും. ഇയാള്‍ കഞ്ചാവ് കടത്തിലെ പ്രധാന കണ്ണിയാണെന്ന് പോലിസ് സൂചിപ്പിച്ചു. കഴിഞ്ഞയാഴ്ച കറന്തക്കാട്ട് സുമോയില്‍ കടത്തിയ 55 കിലോ കഞ്ചാവുമായി മൂന്നുപേരെ അറസ്റ്റ് ചെയ്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News