ഒളിച്ചോടിയ പെണ്‍കുട്ടിയുടെ മുടി മുറിച്ചു ശിക്ഷ

ബെത്തുള്‍: മധ്യപ്രദേശിലെ ഒരു ഗോത്ര പഞ്ചായത്തില്‍ ഒളിച്ചോടിയ 18 വയസുകാരി പെണ്‍കുട്ടിക്ക് മുടി മുറിച്ചു ശിക്ഷ. ബെത്തുള്‍ ജില്ലയിലെ ചിഖ്‌ലാര്‍ ഗ്രാമത്തിലെ ഗോത്രപഞ്ചായത്താണ് പെണ്‍കുട്ടിക്ക് വിചിത്ര ശിക്ഷ നല്കിയത്. പെണ്‍കുട്ടിക്കൊപ്പം ഒളിച്ചോടിയ അമ്മാവനെ ചെരിപ്പുമാലയണിയിച്ച് കഴുത്തില്‍ കല്ലു കെട്ടി ഓടിക്കുകയും ചെയ്തു. സംഭവത്തില്‍ പോലീസ് 16 പേര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്.

തന്റെ അമ്മാവന്‍ തന്നെ തട്ടിക്കൊണ്ടു പോകുകയായിരുന്നെന്നാണ് പെണ്‍കുട്ടി പറഞ്ഞു. എന്നാല്‍ പെണ്‍കുട്ടിയുടെ വാക്കുകള്‍ കേള്‍ക്കാന്‍ പഞ്ചായത്ത് അധികൃതര്‍ തയാറായില്ല. കേസ് റിപ്പോര്‍ട്ട് പിന്‍വലിക്കണമെന്നാവശ്യപ്പെട്ട് ഗ്രാമവാസികള്‍ പോലീസ് സ്റ്റേഷനു മുമ്പില്‍ ബഹളംകൂട്ടി. തങ്ങളുടെ ആചാരപ്രകാരമാണ് ഈ ശിക്ഷയെന്നു പറഞ്ഞാണ് പഞ്ചായത്ത് അധികൃതര്‍ സംഭവത്തെ ന്യായീകരിച്ചത്.

പഞ്ചായത്തിന്റെ നടപടി നിയമവിരുദ്ധമാണെന്നു പറഞ്ഞ പോലീസ് തുടരന്വേഷണം നടത്താന്‍ തീരുമാനിച്ചു. 13 പേരെ അറസ്റ്റ് ചെയ്തിരുന്നുവെങ്കിലും ഇവര്‍ ജാമ്യത്തില്‍ പുറത്തിറങ്ങി. മറ്റു മൂന്നു പേര്‍ക്കു വേണ്ടിയുള്ള അന്വേഷണം ഊര്‍ജിതമാക്കിയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News