ബസ് ബൈക്കിലിടിച്ച് അച്ഛനും മകനും മരിച്ചു; അമ്മ ഗുരുതരാവസ്ഥയില്‍

കൊട്ടാരക്കര: കെഎസ്ആര്‍ടിസി ഫാസ്റ്റ്പാസഞ്ചര്‍ ബസ് ബൈക്കിലിടിച്ച് ബൈക്ക് യാത്രികരായ അച്ഛനും മകനും മരിച്ചു. അമ്മ ഗുരുതരാവസ്ഥയില്‍. രാവിലെ ഏഴിന് എഴുകോണ്‍ ചീരങ്കാവിന് സമീപമാണ് സംഭവം. മുഖത്തല നെല്ലിക്കുന്നത്ത് വടക്കതില്‍ ബിനു (40) മകന്‍ കാശിനാഥന്‍ (10) എന്നിവരാണ് മരിച്ചത്. ബിനുവിന്റെ ഭാര്യ നിഷയെ ഗുരുതര പരിക്കുകളോടെ കൊല്ലത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

കൊല്ലത്തുനിന്നും തെങ്കാശിയിലേക്ക് പോകുകയായിരുന്നു കെഎസ്ആര്‍ടിസി ഫാസ്റ്റ് പാസഞ്ചര്‍ ബസ്. അപകടത്തില്‍ പരിക്കേറ്റ മൂവരേയും നാട്ടുകാര്‍ ഉടന്‍തന്നെ ആശുപത്രിയിലെത്തിച്ചെങ്കിലും ബിനുവും കാശിനാഥനും മരിച്ചു. എഴുകോണ്‍ പോലീസ് കേസെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News