മട്ടന്നൂര്‍ സ്‌ഫോടനം രാഷ്ട്രീയ വല്‍കരിക്കരുതെന്ന് ബി ജെ പി

Dileep

കണ്ണൂര്‍ : മട്ടന്നൂരിലെ പൊറോറ സ്‌ഫോടനത്തില്‍ യുവാവ് മരിച്ച സംഭവം രാഷ്ട്രീയവല്‍കരിക്കാന്‍ ശ്രമിക്കുന്നത് ജില്ലയില്‍ നിലനില്‍ക്കുന്ന സമാധാനാന്തരീക്ഷം തകര്‍ക്കാനെ ഉപകരിക്കുകയുള്ളൂവെന്ന് ബി ജെ പി ജില്ലാപ്രസിഡന്റ് കെ രഞ്ജിത്ത് പ്രസ്താവനയില്‍ പറഞ്ഞു. ക്ഷേത്രങ്ങളിലും മറ്റും പടക്കം നിര്‍മിച്ച് കൊടുക്കുന്നവരാണ് മരിച്ച ദിലീപിന്റെ കുടുംബം. കഴിഞ്ഞ ദിവസം ഉത്സവം നടന്ന മഠപുരയില്‍ നിന്നും ബാക്കി വന്ന സാധനങ്ങള്‍ വീട്ടിലേക്ക് കൊണ്ടുപോകുമ്പോഴാണ് അപകടം. വസ്തുത ഇതായിരിക്കെ ആര്‍ എസ് എസ് പ്രവര്‍ത്തകന്‍ സ്‌ഫോടനത്തില്‍ മരിച്ചുവെന്ന് വാര്‍ത്ത പരത്തുന്നത് അരാജകത്വം സൃഷ്ടിക്കാനേ ഉപകരിക്കുകയുള്ളൂ. സംഭവത്തില്‍ ആര്‍ എസ് എസ്-ബി ജെ പി പ്രസ്ഥാനങ്ങള്‍ക്ക് യാതൊരു പങ്കുമില്ലെന്നും രഞ്ജിത്ത് പ്രസ്താവനയില്‍ പറഞ്ഞു.
അതേസമയം, മട്ടന്നൂര്‍ മരുതായിയില്‍ ആര്‍ എസ് എസ് പ്രവര്‍ത്തകന്‍ സ്‌ഫോടനത്തില്‍ കൊല്ലപ്പെട്ട സംഭവത്തില്‍ സമഗ്രാന്വേഷണം നടത്തണമെന്ന് സി പി എം ജില്ലാസിക്രട്ടറി പി ജയരാജന്‍ ആവശ്യപ്പെട്ടു. ആര്‍ എസ് എസ് കേന്ദ്രത്തിലേക്ക് കൊണ്ടുപോവുകയായിരുന്ന ഉഗ്രശേഷിയുള്ള ബോംബാണ് പൊട്ടിയതെന്നും കൊല്ലപ്പെട്ട ദിലീപുമായി ബന്ധപ്പെട്ടവരെ ചോദ്യംചെയ്താല്‍ കുറ്റവാളികളെ നിയമത്തിന് മുന്നില്‍ കൊണ്ടുവരാന്‍ കഴിയുമെന്നും കുറച്ചുകാലമായി സമാധാനാന്തരീക്ഷം നിലനില്‍ക്കുന്ന ജില്ലയില്‍ അത് തകര്‍ക്കാന്‍ വേണ്ടി ആര്‍ എസ് എസ് നടത്തുന്ന ഗൂഢനീക്കമാണിതിന് പിന്നിലെന്നും ജനങ്ങള്‍ ഇത് തിരിച്ചറിയണമെന്നും ജയരാജന്‍ ആവശ്യപ്പെട്ടു.

ബൈക്കില്‍ കൊണ്ടുപോകുകയായിരുന്ന സ്‌ഫോടക വസ്തുക്കള്‍ പൊട്ടിത്തെറിച്ചു യുവാവ് മരിച്ചു

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News