കുടുംബത്തോടൊപ്പം മരിച്ചെന്നു കരുതിയ ഒരുവയസുകാരന് പുനര്‍ജന്‍മം

ലണ്ടന്‍: മക്കയിലേക്ക് തീര്‍ത്ഥാടനത്തിനുപോകുമ്പോള്‍ അപകടത്തില്‍ മരണപ്പെട്ട അഞ്ചംഗ കുടുംബത്തോടൊപ്പം മോര്‍ച്ചറിയിലാക്കിയ ഒരു വയസുകാരന്‍ അത്ഭുതകരമായി പുനര്‍ജനിച്ചു. മൃതദേഹം സൂക്ഷിക്കുന്ന ബാഗില്‍ സിപ്പ് ചെയ്തിട്ടിരുന്ന എയിസ ഹയാട്ടിനെ ഡോക്ടര്‍മാര്‍ ജീവനോടെ കണ്ടെത്തുകയായിരുന്നു. ബ്രിട്ടീഷ് കുടുംബത്തെ ഒന്നടങ്കം മരണത്തിന് കീഴടക്കിയ അപകടത്തില്‍ രക്ഷപെട്ടത് എയിസ മാത്രമാണ്.

സൗത്ത് വെയില്‍സിലെ ന്യൂപോര്‍ട്ട് സ്വദേശികളായ ഇവര്‍ സൗദി അറേബ്യയില്‍ ടാക്‌സിയില്‍ സഞ്ചരിക്കുമ്പോള്‍ ഡ്രൈവര്‍ ഉറങ്ങിപ്പോയതാണ് അപകടത്തിന് കാരണം. നിയന്ത്രണം തെറ്റിയ കാര്‍ കോണ്‍ക്രീറ്റ് പാലത്തിലിടിക്കുകയായിരുന്നു. എയിസയുടെ മാതാപിതാക്കളായ ഇഷാക്ക് (33) ബില്‍ക്കുസ് (33), ഒപ്പമുണ്ടായിരുന്ന മുത്തച്ഛന്‍ ഷൗക്കത്ത് (56), മുത്തശ്ശി ആബിദ (47), ആന്റി സെയ്‌റ സീനബ് (29) എ്ന്നിവരും തല്‍ക്ഷണം മരിച്ചു. ബില്‍ക്കുസ് ഏഴുമാസം ഗര്‍ഭിണിയുമായിരുന്നു. സെയ്‌റയുടെ വിവാഹം അടുത്തമാസം നടക്കാനിരിക്കുകയുമായിരുന്നു. കാര്‍ അതിവേഗമാണ് പോകുന്നതെന്നും തനിക്ക് പേടിയാകുന്നുണ്ടെന്നും അവള്‍ ഒരു ബന്ധുവിന് അപകടത്തിന് തൊട്ടുമുമ്പ് ടെക്സ്റ്റ് സന്ദേശം അയച്ചിരുന്നു.

മോര്‍ച്ചറിയില്‍നിന്ന് കോള്‍ഡ് സ്‌റ്റോറേിലേക്ക് മാറ്റുമ്പോഴായിരുന്ന എയ്‌സയുടെ മൃതദേഹം ചലിക്കുന്നതായി കണ്ടത്. എയ്‌സയെ ഉടന്‍ ആശുപത്രിയിലെത്തിച്ചതോടെയാണ് അപകടനില തരണം ചെയ്തത്. അതുവരെ അബോധാവസ്ഥയിലായിരുന്നുവെന്ന് ഡോക്ടര്‍മാര്‍ കണ്ടെത്തി. തോള്‍ തെന്നിപ്പോകുകയും കൈകാലുകള്‍ ഒടിയുകയും ചെയ്ത എയ്‌സ സുഖം പ്രാപിച്ചുവരികകയാണ്.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News