സംഘചേതന സില്‍വര്‍ ജൂബിലി ആഘോഷം തുടങ്ങി

പാലക്കുന്ന്: കുതിരക്കോട് സംഘചേതന ക്ലബ്ബിന്റെ സില്‍വല്‍ ജൂബിലിയോഘാഷത്തിന് വര്‍ണഭമായ തുടക്കം. നാടകകൃത്ത് ഇബ്രാഹിം വേങ്ങര ഉദ്ഘാടനം ചെയ്തു. മധുമുതിയക്കാല്‍ അധ്യക്ഷനായി. നടന്‍ പ്രേംകുമാര്‍ മുഖ്യാതിഥിയായി. നാടക നടന്‍ മുഹമ്മദ് പേരാമ്പ്ര, നോവലിസ്റ്റ് പി വി കെ പനയാല്‍ എന്നിവര്‍ സാംസകാരിക പ്രഭാഷണം നടത്തി. സംസ്ഥാന സീനിയര്‍ കബഡി മുന്‍ ക്യാപ്റ്റന്‍ കെ വി ശ്രീധരനെ അനുമോദിച്ചു.

പഞ്ചായത്ത് പ്രസിഡന്റുമാരായ കുഞ്ഞിരാമന്‍ കുന്നൂച്ചി, കെ കസ്തൂരി, ബ്ലോക്ക് പഞ്ചായത്തംഗങ്ങളായ എം ഗൗരി, കെ കുഞ്ഞിരാമന്‍ പഞ്ചായത്തംഗങ്ങളായ അജയന്‍ പനയാല്‍, കെ കെ യമുന, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ അച്യുതന്‍ എന്നിവര്‍ സംസാരിച്ചു. സുരേഷ് കുതിരക്കോട് സ്വാഗതവും കെ രാജേഷ്‌കുമാര്‍ നന്ദിയും പറഞ്ഞു.

പാലക്കുന്ന് കേന്ദ്രീകരിച്ച് വര്‍ണാഭമായ സാംസ്‌കാരിക ഘോഷയാത്രയും കണ്ണൂര്‍ കയരളം ഒറപ്പടി കലാകൂട്ടായ്മയുടെ നാട്ടുതുടിയും അരങ്ങേറി. 2014 മാര്‍ച്ച് വരെ നീളുന്ന ആഘോഷ പരിപാടികളില്‍ മെഡിക്കല്‍ ക്യാമ്പ്, കാര്‍ഷിക പരിസ്ഥിതി പഠനയാത്ര, വിദ്യാഭ്യാസ സെമിനാര്‍, തെരുവ് നാടക മത്സരം, കബഡി, ഫുട്‌ബോള്‍ ടൂര്‍ണമെന്റ്, സംസ്ഥാന ചിത്രരചന ക്യാമ്പ്, സാംസ്‌കാരിക സായാഹ്ന സദസ്, നാടകം തുടങ്ങിയ വിവിധ പരിപരിപാടികള്‍ അരങ്ങേറും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News