പ്രൊഫ.ആലിക്കുട്ടി മുസ്‌ലിയാര്‍ കാസര്‍കോട് ഖാസി

കാസര്‍കോട്: കാസര്‍കോട് സംയുക്ത ജമാഅത്ത് ഖാസിയായി പ്രൊഫ.ആലിക്കുട്ടി മുസ്‌ലിയാരെ തരെഞ്ഞെടുത്തു. മാലിക്ദീനാര്‍ വലിയജമാഅത്ത് പള്ളി ഓഫീസില്‍ ചേര്‍ന്ന സംയുക്ത ജമാഅത്ത് പ്രവര്‍ത്തക സമിതി യോഗത്തില്‍ ഐക്യകണ്ടഠേനെയാണ് ആലക്കുട്ടി മുസ്‌ലിയാരെ ഖാസിയായി നിമയിക്കാന്‍ തീരുമാനിച്ചത്.

ജാമിഅ നൂരിയ അറബിക് കോളജ് പ്രിന്‍സിപ്പല്‍, സമസ്ത കേരള ജംഇയ്യത്തുല്‍ ഉലമ സെക്രട്ടറി, പേര്‍സനല്‍ ലോ ബോര്‍ഡ് അംഗം, മുസ്‌ലിം റാബിത്തുന്‍ ആലിമുല്‍ ആലം അംഗം, എസ്.വൈ.എസ്. സംസ്ഥാന സെക്രട്ടറി എന്നി സ്ഥാനങ്ങള്‍ വഹിക്കുന്നു. കേരള ഹജ്ജ് കമ്മിറ്റി ചെയര്‍മാന്‍, കേന്ദ്ര ഹജ്ജ് കമ്മിറ്റി വൈസ് ചെയര്‍മാന്‍തുടങ്ങിയ പദവികളും വഹിച്ചിരുന്നു.
ജാമിയ നൂരിയ അറബിയയില്‍ നിന്നാണ് പഠനം പൂര്‍ത്തീയാക്കിയത്. പഠന കാലത്തു തന്നെ 1965-ല്‍ മുതല്‍ തിരൂര്‍കാട് സുന്നി ജമാഅത്ത് പള്ളി ഖാസിയായിരുന്നു. മൂസ്സ ഹാജിയുടെയും ഇയ്യാത്തു കുട്ടിയുടെയും മകനാണ്.

നിരവധി ഗ്രന്ഥങ്ങളും രചിച്ചിട്ടുണ്ട്. സുന്നി അഫ്കാര്‍, മുഅല്ലിം, ഡാറ്റ ഇയര്‍ ബുക്ക്, അല്‍ നൂര്‍ മാസികകളുടെ ചീഫ് എഡിറ്ററാണ്. പുണ്യഭൂമിയിലേക്ക് എന്ന പേരില്‍ ഹജ്ജിനെക്കുറിച്ച് മൂന്ന് പുസ്തകങ്ങള്‍ രചിട്ടുണ്ട്. മുസ്‌ലിം ലോകം എന്ന പുസ്‌കതത്തിന്റെ മൂന്ന് വാള്യങ്ങള്‍, ദിക്‌റുകള്‍, ഇസ്‌ലാമിക മുന്നേറ്റം ആഗോളതലത്തില്‍, ഫലസ്തീന്‍ ജൂതര്‍ക്ക് എന്ത് അവകാശം എന്നിവ പ്രധാനകൃതികളാണ്. ഇംഗ്ലീഷ്, അറബി മലയാളം ഡിക്ഷ്ണറിയും രചിട്ടുണ്ട്.

സംയുക്ത ജമാഅത്ത് യോഗത്തില്‍ പ്രസിഡണ്ട് ചെര്‍ക്കളം അബ്ദുള്ള അധ്യക്ഷത വഹിച്ചു. സെക്രട്ടറി കെ.ബി.മുഹമ്മദ് കുഞ്ഞി സ്വാഗതം പറഞ്ഞു. അബ്ദുല്‍ മജീദ് ബാഖവി പ്രാര്‍ത്ഥന നടത്തി. എന്‍.എ.നെല്ലിക്കുന്ന് എം.എല്‍.എ, പി.ബി.അബ്ദുല്‍റസാഖ് എം.എല്‍.എ, എന്‍.എ.അബൂബക്കര്‍, കെ.എസ്.മുഹമ്മദ് കുഞ്ഞി ഹാജി, എം.എ.അബ്ദുല്‍ റഹ്മാന്‍ ഹാജി, കെ.മുഹമ്മദ് ഹാജി, സുലൈമാന്‍ ഹാജി ബാങ്കോട്, എ.അബ്ദുല്‍ റഹ്മാന്‍ സംസാരിച്ചു. ബലിരുന്നാളിന് ശേഷം സ്ഥാനാരോഹണം നടക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram New