നഴ്‌സിംഗ് വിദ്യാര്‍ത്ഥിനിയെ തട്ടിക്കൊണ്ടുപോയ വിദ്യാര്‍ത്ഥിയെ തേടി പോലീസ് തളിപ്പറമ്പില്‍

തളിപ്പറമ്പ: മംഗലാപുരത്ത് നഴ്‌സിംഗ് പഠിക്കുന്ന വിദ്യാര്‍ത്ഥിനിയെ തട്ടിക്കൊണ്ടുപോയ യുവാവിനെ തേടി കോട്ടയം കടുത്തുരുത്തി പോലീസ് തളിപ്പറമ്പിലെത്തി. എസ്.ഐമാരായ കെ. രതീശന്‍, ഇ.എന്‍. ചന്ദ്രബാബു എന്നിവരുടെ നേതൃത്വത്തിലുള്ള സംഘമാണ് ശനിയാഴ്ച രാവിലെ തളിപ്പറമ്പിലെത്തിയത്.

പട്ടുവം കോണ്‍വെന്റിന് സമീപത്തെ ക്രിസ്റ്റഫറിനെ തേടിയാണ് പോലീസ് എത്തിയത്. സെമിനാരിയില്‍ വൈദിക പട്ടത്തിന് പഠിക്കുകയായിരുന്ന ക്രിസ്റ്റഫര്‍ പിതാവിന് അപകടം പറ്റി മംഗലാപുരത്തെ സ്വകാര്യ മെഡിക്കല്‍ കോളേജില്‍ ചികില്‍സയില്‍ കഴിയവെ പരിചരിക്കാന്‍ പോയിരുന്നു. ഇതേ കോളേജിലെ നഴ്‌സിംഗ് വിദ്യാര്‍ത്ഥിനിയുമായി പ്രണയത്തിലായതിനെ തുടര്‍ന്ന് കഴിഞ്ഞ ഏപ്രിലിലാണ് സെമിനാരിയിലെ പഠനം ഉപേക്ഷിച്ചത്. ഒരാഴ്ച മുമ്പ് മംഗലാപുരത്ത് നിന്ന് പെണ്‍കുട്ടിയെയും കൂട്ടി അപ്രത്യക്ഷനാവുകയായിരുന്നു.

പെണ്‍കുട്ടിയുടെ ബന്ധുക്കള്‍ കടുത്തുരുത്തി പോലീസില്‍ പരാതി നല്‍കിയിരുന്നു.തുടര്‍ന്ന് നടത്തിയ അന്വേഷണത്തിലാണ് ക്രിസ്റ്റിഫറുമായുള്ള ബന്ധം അറിഞ്ഞത്. പെണ്‍കുട്ടിയുടെ ബന്ധുക്കളോടൊപ്പമെത്തിയ പോലീസ് സംഘം ടാക്‌സി ഡ്രൈവര്‍ കൂടിയായ യുവാവിന്റെ പിതാവിനെയും കൂട്ടി തളിപ്പറമ്പ സി.ഐ: എ.വി. ജോണിനുമുന്നിലെത്തി. പെണ്‍കുട്ടിയെ വിവാഹം കഴിച്ചുകൊടുക്കാനും പെണ്‍കുട്ടിക്ക് തുടര്‍ന്ന് പഠിക്കാനുമുള്ള സൗകര്യം ചെയ്യാമെന്ന ധാരണയില്‍ രണ്ട് വീട്ടുകാരും എത്തിയിട്ടുണ്ട്. കൊല്ലത്തെ സ്വകാര്യ റിസോര്‍ട്ടില്‍ ജോലി ചെയ്യുന്ന ക്രിസ്റ്റഫറുമായും കൂടെയുള്ള പെണ്‍കുട്ടിയുമായും പോലീസ് സാന്നിധ്യത്തില്‍ ബന്ധുക്കള്‍ സംസാരിച്ച് ധാരണയിലെത്തിയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Thaliparamba, Manglore, Police, Kidnapping Case