ജില്ലാ മത്സരങ്ങള്‍ പൂര്‍ത്തിയായി എസ് എസ് എഫ് സംസ്ഥാന സാഹിത്യോത്സവ് മണ്ണാര്‍ക്കാട്

കോഴിക്കോട്: എസ് എസ് എഫ് ഇതുപതാമത് സംസ്ഥാന സാഹിത്യോത്സവിന് മണ്ണാര്‍ക്കാട് ഒരുങ്ങി. ചെറിയ പെരുന്നാള്‍ സുദിനത്തില്‍ യൂണിറ്റുകളില്‍ ആരംഭം കുറിച്ച എസ് എസ് എഫ് സാഹിത്യോത്സവിന്റെ ജില്ലാ മത്സരങ്ങള്‍ പൂര്‍ത്തിയായി. സംസ്ഥാനത്തെ പതിനാല് ജില്ലകളിലും നീലഗിരിയിലും നടന്ന ജില്ലാ സാഹിത്യോത്സവുകളില്‍ നിന്നുള്ള ജേതാക്കള്‍ സംസ്ഥാനതല മത്സരത്തില്‍ പങ്കെടുക്കും.

എസ് എസ് എഫ് സംസ്ഥാന സാഹിത്യോത്സവ് വെള്ളി, ശനി ദിവസങ്ങളില്‍ മണ്ണാര്‍ക്കാട് കല്ലടി ഹയര്‍ സെക്കണ്ടറി സ്‌കൂളില്‍ നടക്കും. ആറ് വിഭാഗങ്ങളിലായി 84 ഇനങ്ങളില്‍ രണ്ടായിരത്തോളം പ്രതിഭകള്‍ മാറ്റുരക്കും. 

സംസ്ഥാന സാഹിത്യോത്സവിന്റെ മുന്നോടിയായി സാഹിത്യോത്സവ് നഗരിയില്‍ വ്യാഴാഴ്ച സാഹിത്യ സദസ് സംഘടിപ്പിക്കും. സാഹിത്യ സദസ് കെ ടി ജലീല്‍ എം എല്‍ എ ഉദ്ഘാടനം ചെയ്യും. ശിഹാബുദ്ധീന്‍ പൊയ്ത്തുംകടവ്, ശ്രീകൃഷ്ണപുരം കൃഷ്ണന്‍കുട്ടി, പെ പി എസ് പയ്യനടം തുടങ്ങിയവര്‍ സംബന്ധിക്കും. പി വി അഹ്മദ് കബീര്‍ വിഷയാവതരണം നടത്തും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News