മഅദനിയ്ക്ക് ജാമ്യം അനുവദിക്കില്ലെന്ന് കര്‍ണാടക സര്‍ക്കാര്‍

ബംഗലൂരു: ബംഗലൂരു സ്‌ഫോടനക്കേസില് ജയിലില്‍ കഴിയുന്ന അബ്ദുല്‍ നാസര്‍ മഅദനിക്ക് ഗുരുതരമായ അസുഖങ്ങളില്ലെന്ന് കര്‍ണ്ണാടക സര്‍ക്കാരിന്റെ സത്യവാങ്മൂലം.

പ്രായം കൂടുമ്പോള്‍ ഉണ്ടാകുന്ന സ്വാഭാവിക അസുഖങ്ങള്‍ മാത്രമേ മഅദനിക്കുള്ളൂവെന്ന് സത്യവാങ് മൂലത്തില്‍ പറയുന്നു.

സ്വകാര്യ ആശുപത്രിയില്‍ മഅദനിക്ക് ചികിത്സ അനുവദിക്കാനാകില്ല. സര്‍ക്കാര്‍ ആശുപത്രിയില്‍ മാത്രമേ സുരക്ഷ ഉറപ്പാക്കാനാകൂ.മഅദനിക്ക് ജാമ്യം അനുവദിക്കരുത് .ജാമ്യം അനുവദിച്ചാല്‍ പണവും സ്വാധീനവും ഉപയോഗിച്ച് മഅദനി വിചാരണ തടസ്സപ്പെടുത്തും. വിചാരണക്ക് തിരികെയെത്തിക്കാന്‍ ശ്രമിച്ചാല്‍ കേരളത്തിലെ ക്രമസമാധാനപ്രശ്‌നമുണ്ടാകുമെന്നും സത്യവാങ്മൂലത്തില്‍ പറയുന്നു.

110 പേജുള്ള സത്യവാങ്മൂലമാണ് തയ്യാറാക്കിയിരിക്കുന്നത്. ഇതില്‍ 30 ഓളം പേജില്‍ മഅദനിയുടെ രോഗവുമായി ബന്ധപ്പെട്ടുള്ള കാര്യങ്ങളാണ് വിശദീകരിച്ചിരിക്കുന്നത്. മഅദനി അവകാശപ്പെടുന്നതു പോലെയുള്ള രോഗങ്ങള്‍ അദ്ദേഹത്തിനില്ലെന്ന് കര്‍ണാടക സര്‍ക്കാര്‍ പറയുന്നു.

മഅദനിയുടെ ജാമ്യാപേക്ഷ സുപ്രീംകോടതി തിങ്കളാഴ്ച പരിഗണിക്കും. അതിന് മുമ്പാണ് കര്‍ണാടക സര്‍ക്കാരിന്റെ എതിര്‍വാദം കോടതിയെ അറിയിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News