വിവാദങ്ങളുടെ തോഴനായ ശ്രീശാന്ത് വിവാഹസുദിനത്തിലും വിവാദത്തില്‍

കൊച്ചി: വിവാദങ്ങളുടെ തോഴനായ ശ്രീശാന്തിനെ വിവാഹദിനത്തിലും വിവാദങ്ങള്‍ വിട്ടൊഴിയുന്നില്ല. പല സ്ഥലങ്ങളില്‍ പല കാര്യങ്ങളില്‍ വിവാദ നായകനായി വാര്‍ത്തയില്‍ നിറഞ്ഞ ശ്രീശാന്തിനെ വിവാഹദിനത്തില്‍ ഒരു കൂട്ടുകാരനാണ് വെട്ടിലാക്കിയത്.

ശ്രീശാന്തിന്റെ വിവാഹ ചടങ്ങിനുശേഷം നടക്കുന്ന വിരുന്നില്‍ ബിജെപിയുടെ പ്രധാനമന്ത്രി സ്ഥാനാര്‍ത്ഥി നരേന്ദ്രമോഡിയെത്തുമെന്ന വെടി പൊട്ടിച്ചാണ് സുഹൃത്ത് ശ്രീശാന്തിനെ കുഴപ്പത്തില്‍ ചാടിച്ചത്. ചില മാധ്യമങ്ങളോടാണ് സുഹൃത്ത് ഇക്കാര്യം പറഞ്ഞത്.

വാര്‍ത്ത വന്നതോടെ പല നേതാക്കളും അങ്കലാപ്പിലായി. ഇത്തരമൊരു കാര്യത്തിന് നരേന്ദ്രമോഡി കേരളത്തിലെത്തുമെന്ന കാര്യം സുരക്ഷാ ഉദ്യോഗസ്ഥരേയും അറിയിച്ചിരുന്നില്ല. ഇതോടെ പല വഴിക്കുനിന്നും ശ്രീശാന്തിനും ശ്രീശാന്തിന്റെ വീട്ടുകാര്‍ക്കും ഫോണ്‍വിളിയെത്തി.

എന്നാല്‍ വാര്‍ത്ത അടിസ്ഥാനരഹിതമാണെന്നാണ് അവരുടെ പ്രതികരണം. നിരവധി ബോളിവുഡ് സെലിബ്രിറ്റികളും വിരുന്നിനെത്തുമെന്ന് വാര്‍ത്തകളുണ്ടായിരുന്നു. ശ്രീശാന്തിന്റെ കല്യാണത്തിന് മോടി കൂട്ടുവാനായി പൊട്ടിച്ചവെടി ഇത്രയും അലമ്പുണ്ടാക്കുമെന്ന് സുഹൃത്തുപോലും കരുതിക്കാണില്ല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Sreesanth, Marriage