സിബിഐ തനിക്ക് നോട്ടീസ് അയച്ചിട്ടില്ല; മാധ്യമവാര്‍ത്തകളില്‍ വേദനയുണ്ടെന്ന് മൈഥിലി

കൊച്ചി: നെടുമ്പാശ്ശേരി സ്വര്‍ണ്ണക്കടത്തുമായി ബന്ധപ്പെട്ട് സിബിഐ തനിക്ക് നോട്ടീസ് അയച്ചിട്ടില്ലെന്ന് നടി മൈഥിലി. ഇത്തരത്തില്‍ നോട്ടീസ് അയച്ചെന്നും തനിക്ക് സ്വര്‍ണ്ണക്കടത്തില്‍ പങ്കുണ്ടെന്ന തരത്തിലുമൊക്കെ മാധ്യമങ്ങളില്‍ വാര്‍ത്തവരുന്നത് ഏറെ വിഷമിപ്പിച്ചെന്ന് മൈഥിലി പറഞ്ഞു.

ഒരു ചാനല്‍ പരിപാടിക്കിടെയായിരുന്നു മൈഥിലി മനസു തുറന്നത്. ഫായിസ് തന്റെ സുഹൃത്താണ്. എന്നാല്‍ സുഹൃത്ത് എന്നതിനപ്പുറം ഒന്നുമില്ല. ഫായിസ് തന്ന സിം കാര്‍ഡ് ഉപയോഗിച്ചിട്ടുണ്ട്. അത് ഒരു ഫാന്‍സി നമ്പര്‍ എന്ന നിലയില്‍ ഫായിസ് തന്നതാണ്. 6 മാസത്തില്‍ കൂടുതല്‍ ആ നമ്പര്‍ ഉപയോഗിച്ചിട്ടില്ലെന്നും മൈഥിലി വ്യക്തമാക്കി.

മിസ് സൗത്ത് ഇന്ത്യ ശ്രവ്യ സുധാകറിന് ഫായിസിനെ പരിചയപ്പെടുത്തിക്കൊടുത്തത് താനെല്ലെന്നും മൈഥിലി പറയുന്നു. ശ്രവ്യ അങ്ങിനെ പറഞ്ഞിട്ടില്ല. ഫായിസിനെ തനിക്ക് പരിചയപ്പെടുത്തിയത് മറ്റൊരു സുഹൃത്താണ്. എന്നാല്‍ സുഹൃത്തിന്റെ പേരുപറയാന്‍ മൈഥിലി തയ്യാറായില്ല.

ഇപ്പോള്‍ തനിക്കെതിരെ വരുന്ന വാര്‍ത്തകള്‍ ശരിയായ രീതിയിലല്ല. മാധ്യമങ്ങള്‍ അത് ആഘോഷിക്കുകയാണ്. സിബിഐ നോട്ടീസ് അയക്കുകയോ ഫോണ്‍ ചെയ്യുകയോ ചെയ്തിട്ടില്ല. മാധ്യമ വാര്‍ത്തകളില്‍ വിഷമമുണ്ടെന്നും മൈഥിലി പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Gold, Case, Mythili