ഉപരോധത്തിനെതിരെ പ്രതികരിച്ച് ഹീറോയായി മാറിയ വീട്ടമ്മയ്ക്ക് ചിറ്റിലപ്പള്ളിയുടെ അഞ്ചു ലക്ഷം

തിരുവനന്തപുരം: സോളാര്‍ കേസില്‍ മുഖ്യമന്ത്രി ഉമ്മന്‍ചാണ്ടിയുടെ രാജി ആവശ്യപ്പെട്ട് ഇടതുപക്ഷം നടത്തുന്ന ക്‌ളിഫ് ഹൗസ് ഉപരോധത്തിനെതിരെ പ്രതികരിച്ച് ഹീറോയായി മാറിയ വീട്ടമ്മയായ സന്ധ്യയ്ക്ക് പ്രമുഖ വ്യവസായി കൊച്ചൗസേപ്പ് ചിറ്റിലപ്പള്ളി അഞ്ചു ലക്ഷം രൂപ പാരിതോഷികം പ്രഖ്യാപിച്ചു. പ്രതികരിക്കാന്‍ കാണിച്ച ധൈര്യത്തിനും ധീരതയ്ക്കുമാണ് സന്ധ്യയ്ക്ക് പാരിതോഷികം നല്‍കുന്നതെന്ന് ചിറ്റിലപ്പള്ളി പറഞ്ഞു.

ചിറ്റിലപ്പള്ളിയെ പോലൊരാള്‍ തനിക്ക് പാരിതോഷികം പ്രഖ്യാപിച്ചതില്‍ സന്തോഷമുണ്ടെന്ന് സന്ധ്യ പ്രതികരിച്ചു. ജനങ്ങളുടെ സഞ്ചാരസ്വാതന്ത്ര്യം തടസപ്പെടുത്തുന്ന ഒരു സമരത്തോടും അത് ഏത് രാഷ്ട്രീയ പാര്‍ട്ടി നടത്തിയാലും അതിനോട് യോജിക്കാനാവില്ലെന്ന് സന്ധ്യ പറഞ്ഞു. ഇത്തരം സമരങ്ങള്‍ക്കെതിരെ കൂടുതല്‍ പേര്‍ രംഗത്തു വരാന്‍ പ്രചോദനം നല്‍കുന്നതാണെന്നും തന്റെ നിലപാടെന്നും അവര്‍ പറഞ്ഞു.

വ്യാഴാഴ്ച രാവിലെ കോണ്‍ഗ്രസ് നേതാവ് പത്മജ വേണുഗോപാലിന്റെ വീടിനടുത്ത് താമസിക്കുന്ന സന്ധ്യ, മകളെ ക്രൈസ്റ്റ്‌ നഗര്‍ സ്‌കൂളില്‍ കൊണ്ടാക്കിയ ശേഷം മടങ്ങുമ്പോഴാണ് വഴിമുടക്കിയ സമരത്തിനെതിരെ പ്രതികരിച്ചത്.

അതിനിടെ സന്ധ്യയുടെ പേരില്‍ സോഷ്യല്‍നെറ്റ്‌വര്‍ക്കിംഗ് സൈറ്റായ ഫേസ്ബുക്കില്‍ ബിഗ് സല്യൂട്ട് സന്ധ്യ എന്ന പേരില്‍ ഒരു പേജും തുടങ്ങിയിട്ടുണ്ട്. ഇതിനോടകം തന്നെ പേജിന് 1400 ലൈക്കുകളും ലഭിച്ചിട്ടുണ്ട്. നേതാക്കളോട് ഇരുചക്രവാഹനത്തില്‍ ഇരുന്ന് കയര്‍ത്തു സംസാരിക്കുന്ന സന്ധ്യയുടെ ചിത്രമാണ് പ്രൊഫൈലില്‍ നല്‍കിയിരിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, House Wife