മലയാളി ഹൗസില്‍ പങ്കെടുക്കേണ്ടി വന്നത് തെറ്റായിപ്പോയെന്ന് ജിഎസ് പ്രദീപ്

കണ്ണൂര്‍: സൂര്യ ടിവിയിലെ മലയാളി ഹൗസ് എന്ന പരിപാടിയില്‍ പങ്കെടുക്കേണ്ടി വന്നത് തെറ്റായിപ്പോയെന്ന് ജിഎസ് പ്രദീപ് വീണ്ടും. പരിപാടിയില്‍ പങ്കെടുത്തതിനെതിരെ നിരവധിപേര്‍ രൂക്ഷമായി വിമര്‍ശിച്ചതോടെ അക്കാര്യം തെറ്റായിപ്പോയെന്ന് പ്രദീപ് പല വേദികളിലും പറഞ്ഞിരുന്നു.

ഏറ്റവുമൊടുവിലായി പയ്യന്നൂര്‍ രാമന്തളി താവൂരിയാട്ട് ക്ഷേത്ര കളിയാട്ടത്തോടനുബന്ധിച്ച് നടന്ന സാംസ്‌കാരിക സമ്മേളനം ഉദ്ഘാടനം ചെയ്ത് സംസാരിക്കവെയാണ് മലയാളി ഹൗസ് എന്ന പരിപാടി ചാനല്‍ ഒരുക്കിയ എലിക്കെണിയാണെന്നും അതില്‍ പെട്ടുപോയെന്നും ജിഎസ് പ്രദീപ് പറഞ്ഞത്.

ചാനലിന്റെ കെണിയില്‍ അകപ്പെട്ടു പോയതാണെന്നും നമ്മുടെ സംസ്‌കാരത്തിന് ഒട്ടും അനുയോജ്യമല്ലാത്ത പരിപാടിയില്‍ പങ്കെടുത്തതിന് തന്നോട് ക്ഷമിക്കണമെന്നും ജി.എസ്. പ്രദീപ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Malayali House, G.S.Pradeep