പെരിയാട്ടടുക്കത്ത് വാഹനാപകടത്തില്‍ മരിച്ച യുവതിയുടെ ഭര്‍തൃപിതാവ് തൂങ്ങിമരിച്ച നിലയില്‍

കാസര്‍കോട്: ബൈക്കില്‍ സഞ്ചരിക്കവെ കാറിടിച്ച് മരിച്ച യുവതിയുടെ ഭര്‍തൃപിതാവിനെ തൂങ്ങിമരിച്ച നിലയില്‍ കണ്ടെത്തി. ബുധനാഴ്ച വൈകിട്ട് പെരിയാട്ടടുക്കം വളവിലുണ്ടായ അപകടത്തില്‍ മരിച്ച വെള്ളരിക്കുണ്ട് സ്വദേശിനി സൗമ്യ (24) യുടെ ഭര്‍ത്താവ് കുമ്പള അനന്തപുരത്തെ ബി. ഷിനുവിന്റെ പിതാവ് കുഞ്ഞേട്ടന്‍ എന്ന ജോസഫ് (67) ആണ് മരിച്ചത്.

അനന്തപുരത്തെ വീട്ടുപറമ്പിനോട് ചേര്‍ന്ന മറ്റൊരു പറമ്പിലെ മരക്കൊമ്പില്‍ വ്യാഴാഴ്ച രാവിലെ 8.15 ഓടെയാണ് ഉടുമുണ്ടില്‍ തൂങ്ങിമരിച്ചനിലയില്‍ കണ്ടെത്തിയത്. ബുധനാഴ്ച രാത്രി 10.30 ഓടെ വീട്ടില്‍ നിന്ന് കാണാതായ ജോസഫിന് വേണ്ടി തിരച്ചില്‍

നടത്തിവരുന്നതിനിടെയാണ് രാവിലെ മൃതദേഹം കണ്ടെത്തിയത്. മരുമകളും വെള്ളരിക്കുണ്ടിലെ ജോയി-തങ്കമ്മ ദമ്പതികളുടെ മകളുമായ സൗമ്യ അപകടത്തില്‍ മരിച്ചതിലുള്ള മനോ വിഷമം മൂലം ജോസഫ് ജീവനൊടുക്കിയതാണെന്ന് മൃതദേഹം ഇന്‍ക്വസ്റ്റ് നടത്തിയ കുമ്പള പോലീസ് പറഞ്ഞു.

 സൗമ്യ

സൗമ്യയുടെ മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ കണ്ടതിന് ശേഷം ജോസഫ് താന്‍ ഇനി ജീവിച്ചിരിക്കില്ലെന്ന് കുടുംബാംഗങ്ങളോട് പറഞ്ഞിരുന്നുവത്രെ. ഭര്‍ത്താവിനോടൊപ്പം ബൈക്കില്‍ വെള്ളരിക്കുണ്ടിലെ വീട്ടിലേക്ക് പോകുമ്പോഴായിരുന്നു എതിര്‍ഭാഗത്തുനിന്നും വന്ന കാറിടിച്ച് സൗമ്യ മരിച്ചത്. അപകടത്തില്‍ ഷിനുവിനും പരിക്കേറ്റിരുന്നു. ഷിനു ആശുപത്രിയില്‍ ചികിത്സയിലാണ്.

ആന്‍സിയാണ് ജോസഫിന്റെ ഭാര്യ. ഷിജൊ, സെയിസ് എന്നിവര്‍ മറ്റുമക്കളാണ്.

 ഭര്‍ത്താവിനൊപ്പം ബൈക്കില്‍ സഞ്ചരിക്കുകയായിരുന്ന യുവതി കാറിടിച്ച് മരിച്ചു  

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News