ജില്ലയില്‍ ഭൂരഹിതര്‍ക്കായി 35,000 പ്ലോട്ടുകളാണ്‌ കണ്ടെത്തിയിട്ടുള്ളത്‌. ഇത്തരത്തില്‍ 1800 ഏക്കറോളം സ്ഥലമാണ്‌ വിതരണം ചെയ്യുക. ജില്ലയില്‍ മൊത്തം 39,202 പ്ലോട്ടുകളാണ്‌ കണ്ടെത്തിയിട്ടുള്ളത്‌. ഇതില്‍ ചിലത്‌ കോടതിയിലും മറ്റും കേസുകള്‍ ഉള്ളവയാണ്‌. ഇത്തരം പ്രശ്‌നങ്ങള്‍ പരിഹരിക്കുന്നതിന്‌ ബന്ധപ്പെട്ടവര്‍ക്ക്‌ നിര്‍ദ്ദേശം നല്‍കിയിട്ടുണ്ട്‌. 2014 ജനുവരി 14 നു പട്ടയമേള സംഘടിപ്പിക്കുന്നതിനാണ്‌ തീരുമാനിച്ചിരുന്നത്‌. എന്നാല്‍ പ്രസ്‌തുത ദിവസം നബിദിനമായതിനാല്‍ പരിപാടി സംഘടിപ്പിക്കാന്‍ അസൗകര്യമുണ്ട്‌. അതിനാല്‍ ഉടന്‍ തന്നെ മറ്റൊരു തീയ്യതി കണ്ടെത്തി പട്ടയമേള സംഘടിപ്പിക്കുമെന്നും മന്ത്രി പറഞ്ഞു.
മറ്റു ജില്ലകളില്‍ നിന്ന്‌ 15,000 പേര്‍ കാസര്‍കോട്‌ ജില്ലയില്‍ സ്ഥലം ലഭിച്ചാല്‍ വരാന്‍ തയ്യാറാണെന്ന്‌ അറിയിച്ചിട്ടുണ്ട്‌. കൂടാതെ 40,000 ത്തോളം പേര്‍ ഏതു ജില്ലയിലായാലും സ്ഥലം ലഭിച്ചാല്‍ മതിയെന്നും അറിയിച്ചിട്ടുണ്ട്‌. സര്‍ക്കാരിന്റെ കൈവശം ഭൂമി കുറവാണ്‌. സ്വകാര്യ വ്യക്തികളും മറ്റും കൈയ്യടക്കി വെച്ചിരിക്കുന്ന ഭൂമി കണ്ടെത്തി ഭൂരഹിതര്‍ക്ക്‌ നല്‍കുന്നതിനുള്ള നടപടികളാണ്‌ സര്‍ക്കാര്‍ സ്വീകരിച്ചുവരുന്നത്‌. സംസ്ഥാനത്ത്‌ മുപ്പത്‌ ഏക്കറോളം സ്ഥലം കൈയ്യടക്കി വെച്ചിരിക്കുന്നത്‌ സ്വമേധയാ വിട്ടു നല്‍കാന്‍ തയ്യാറായിട്ടുണ്ട്‌. ഇത്തരത്തില്‍ തന്റെ കൈവശമുള്ള ഭൂമിയും വിട്ടുനല്‍കി പദ്ധതിയില്‍ അംഗമാകുമെന്നും മന്ത്രി അറിയിച്ചു.
വാര്‍ത്താസമ്മേളനത്തില്‍ ജില്ലാ കളക്ടര്‍ പി എസ്‌ മുഹമ്മദ്‌ സഗീര്‍, എ ഡി എം എച്ച്‌ ദിനേശന്‍ തുടങ്ങിയവര്‍ സംബന്ധിച്ചു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment