ഉറങ്ങിക്കിടന്ന ഭാര്യയെ വെട്ടിക്കൊന്നു; ഭര്‍ത്താവ് അറസ്റ്റില്‍

ഇടുക്കി : മുരിക്കാശേരി പതിനാറാംകണ്ടത്ത് മധ്യവയസ്‌കന്‍ ഭാര്യയെ കോടാലി കൊണ്ട് വെട്ടിക്കൊന്നു. കടുവംമാക്കാല്‍ ശിവരാമനാണ് ഭാര്യ കല്യാണിയെ വെട്ടിക്കൊന്നത്. ശനിയാഴ്ച പുലര്‍ച്ചെ മൂന്നരയോടെയാണ് നാടിനെ നടുക്കിയ കൊലപാതകം നടന്നത്.

ഉറങ്ങിക്കിടക്കുകയായിരുന്ന കല്യാണിയെ ശിവരാമന്‍ വെട്ടുകയായിരുന്നു. ഇവര്‍ക്ക് തലയ്ക്ക് പിന്‍ഭാഗത്ത് ആഴത്തില്‍ മുറിവേറ്റു. ബഹളം കേട്ട് വീട്ടിലുണ്ടായിരുന്ന മരുമകന്‍ അനീഷ് ഉണര്‍ന്നു. തുടര്‍ന്ന് രക്തത്തില്‍ കുളിച്ചു കിടന്ന കല്യാണിയെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു.

മൃതദേഹം ഇടുക്കി ജില്ലാ ആശുപത്രിയില്‍ സൂക്ഷിച്ചിരിക്കുകയാണ്. സംഭവത്തിന് ശേഷം വീട്ടില്‍ നിന്നും മുങ്ങിയ ശിവരാജനെ ഇടുക്കിയില്‍ നിന്ന് പൊലീസ് സംഘം പിടികൂടി. വിവിധ രോഗങ്ങള്‍ മൂലം ദീര്‍ഘകാലമായി ചികിസ്തയിലായിരുന്നു ശിവരാമന്‍. ഭാര്യയെ കൊന്നതിന് ശേഷം തൂങ്ങി മരിക്കുകയായിരുന്നു ലക്ഷ്യമെന്ന് ഇയാള്‍ പൊലീസിനോട് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Murder, Police, case, Arrested