അറസ്റ്റിലായ ഇന്ത്യന്‍ നയതന്ത്ര ഉദ്യോഗസ്ഥയ്ക്ക് ജാമ്യം അനുവദിച്ചു

വാഷിങ്ടണ്‍: വിസയില്‍ കൃത്രിമം കാട്ടിയെന്നാരോപിച്ച് അമേരിക്കയില്‍ അറസ്റ്റിലായ ഇന്ത്യന്‍ ഡെപ്യൂട്ടി കോണ്‍സല്‍ ജനറല്‍ ദേവയാനി ഖോബ്രഗഡയെ ജാമ്യത്തില്‍ വിട്ടു. 25, 0000 ഡോളറിന്റെ ജാമ്യത്തിലാണ് വിട്ടയച്ചത്. രാവിലെ മകളെ സ്‌കൂളില്‍ വിടാന്‍ പോകുമ്പോഴാണ് 39കാരിയായ ദേവയാനിയെ അറസ്റ്റ് ചെയ്തത്.

കുട്ടികളെ നോക്കാനുള്ള ആയയെ കൊണ്ടുവരുന്നതിനായി വിസ രേഖകകളില്‍ കൃത്രിമം കാണിച്ചുവെന്നാണ് ഇവര്‍ക്കെതിരായ കുറ്റം. ദേവയാനിയുടെ വീട്ടില്‍ നിന്നും കഴിഞ്ഞ ജൂണ്‍ മുതല്‍ കാണാതായ ആയ സംഗീത റിച്ചാര്‍ഡ് നല്‍കിയ പരാതിയിന്മേലാണ് അറസ്‌റ്റെന്ന് ഇന്ത്യന്‍ എംബസി പറഞ്ഞു.

മണിക്കൂറിന് 9.75 ഡോളര്‍ നല്‍കാമെന്ന് വാഗ്ദാനം നല്‍കിയാണ് സംഗീതയെ അമേരിക്കയിലേക്ക് കൊണ്ടുവന്നത്. എന്നാല്‍ 3.11 ഡോളര്‍ മാത്രമെ ദേവയാനി നല്‍കിയിരുന്നുള്ളൂ എന്നാണ് പരാതി. പത്ത് വര്‍ഷം വരെ ശിക്ഷ ലഭിക്കാവുന്ന കുറ്റങ്ങളാണ് ദേവയാനിക്കെതിരെ യു.എസ് ചുമത്തിയിരിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, America, Arrested, Court