ഒടുവില്‍ വീട്ടമ്മയുടെ ശകാരവും നാട്ടുകാരുടെ പ്രതിഷേധവും ഫലം കണ്ടു: വഴിതുറന്നുകൊടുത്തു

തിരുവനന്തപുരം: സഞ്ചാര സ്വാതന്ത്ര്യം അനുവദിക്കണമെന്ന് ആവശ്യപ്പെട്ട് തിരുവനന്തപുരത്തെ ദേവസ്വം ബോര്‍ഡ് ജങ്ഷനു സമീപത്തെ നാട്ടുകാരുടെ പ്രതിഷേധം ഫലം കണ്ടു. പോലീസും സമരക്കാരും തമ്മില്‍ ചര്‍ച്ചനടത്തി ക്ലിഫ് ഹൗസിന് പിന്നിലൂടെയുള്ള വഴി തുറന്നുകൊടുക്കാന്‍ ധാരണയായി.

എല്‍.ഡി.എഫ് ഉപരോധത്തെ തുടര്‍ന്ന് ജങ്ഷനില്‍ ബാരിക്കേഡുകള്‍ വക്കുന്നതോടെ ഈ ഭാഗത്തെ 500 ലേറെ കുടുംബങ്ങള്‍ക്ക് പുറംലോകവുമായി ബന്ധമില്ലാതാകുന്നുവെന്നാണ് നാട്ടുകാരുടെ പരാതി. വെള്ളിയാഴ്ച വൈകുന്നേരം പോലീസ് മേധാവിയുമായി ചര്‍ച്ചനടത്താമെന്ന ഉറപ്പ് കൂടി ലഭിച്ചതോടെ പ്രതിഷേധക്കാരും പിരിഞ്ഞുപോയി.

കഴിഞ്ഞ ദിവസം അസി. കമ്മീഷണറുമായി റസിഡന്‍സ് അസോസിയേഷന്‍ ചര്‍ച്ച നടത്തി ഇക്കാര്യത്തില്‍ ധാരണയായിരുന്നു. എന്നാല്‍ വ്യാഴാഴ്ച വീണ്ടും വഴി തടസ്സപ്പെട്ടതോടെയാണ് സ്ഥലവാസിയായ വീട്ടമ്മയും ഇടതുമുന്നണി പ്രവര്‍ത്തകരും പോലീസും തമ്മില്‍ വ്യാഴാഴ്ച വാക്കേറ്റമുണ്ടായിത്. ഇതിന് പിന്നാലെയാണ് നാട്ടുകാര്‍ വെള്ളിയാഴ്ച  പ്രതിഷേധ മാര്‍ച്ച് നടത്തിയത്.

വെള്ളിയാഴ്ചയും ഇതേ ഭാഗത്തുതന്നെ ബാരിക്കേഡ് വെക്കാന്‍ അനുവദിക്കണമെന്നും വൈകീട്ട് മ്യൂസിയം സി.ഐയുമായി ചര്‍ച്ച നടത്തി ധാരണയാക്കാമെന്നും പോലീസ് നാട്ടുകാരെ അറിയിച്ചു. ഒടുവില്‍ ഒരു കാറും ബൈക്ക് സഞ്ചരിക്കാന്‍ കഴിയുന്ന രീതിയില്‍ ബാരിക്കേഡ് മാറ്റണമെന്ന് ഇടതുമുന്നണി പ്രവര്‍ത്തകര്‍ പോലീസിനോട് ആവശ്യപ്പെട്ടു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, House Wife, Police, CPM