12 ലക്ഷത്തിന്റെ സ്വര്‍ണ്ണവുമായി കാസര്‍കോടു സ്വദേശി അറസ്റ്റില്‍

മംഗലാപുരം: അനധികൃതമായി ഗള്‍ഫില്‍നിന്ന് കടത്തിയ 12 ലക്ഷം രൂപ വിലവരുന്ന സ്വര്‍ണവുമായി തെക്കില്‍ ഫെറി സ്വദേശിയെ മംഗലാപുരം വിമാനത്താവളത്തില്‍ കസ്റ്റംസ് അധികൃതര്‍ പിടികൂടി. തെക്കില്‍ ഫെറി പുതിയവളപ്പ് അബ്ദുല്‍ ബഷീര്‍ (31) ആണ് അറസ്റ്റിലായത്.

ചൊവ്വാഴ്ച രാവിലെ ദുബൈയില്‍ നിന്ന് എയര്‍ ഇന്ത്യ എക്‌സ്പ്രസ് വിമാനത്തില്‍ മംഗലാപുരത്ത് എത്തിയതായിരുന്നു ഇയാള്‍. ബാഗേജിന്റെ ബീഡിംഗിനുള്ളില്‍ കമ്പികളാക്കി വെള്ളിപൂശി തിരുകിക്കയറ്റിയ നിലയിലായിരുന്നു സ്വര്‍ണം. അഞ്ച് കമ്പികളാണ് ഇത്തരത്തിലുണ്ടായിരുന്നത്. ഇതിന് 406.38 ഗ്രാം തൂക്കംവരും. കേസ് ബജ്‌പെ പോലീസിന് കൈമാറി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Gold Case, Arrested, Manglore Airport