തളിയില്‍ നീലകണ്ഠേശ്വര ക്ഷേത്രം വിളക്കുമാടത്തിനു കട്ടില വച്ചു

നീലേശ്വരം: തളിയില്‍ നീലകണ്ഠേശ്വര ക്ഷേത്രത്തില്‍ നിര്‍മിക്കുന്ന വിളക്കുമാടത്തിനു കട്ടില വച്ചു. നീലേശ്വരം മൂത്തകൂര്‍ രാജാവ് അഡ്വ. ടി.സി.സി. കൃഷ്ണവര്‍മ വലിയരാജയുടെ സാന്നിധ്യത്തില്‍ തന്ത്രി തരണനല്ലൂര്‍ തെക്കിനിയേടത്ത് പത്മനാഭന്‍ ഉണ്ണി നമ്പൂതിരിപ്പാട് ചടങ്ങു നിര്‍വഹിച്ചു. മലബാറിലെ ക്ഷേത്രങ്ങളില്‍ ആദ്യമായാണു വിളക്കുമാടം നിര്‍മിക്കുന്നത്.

വിളക്കുമാടം നിര്‍മാണ കമ്മിറ്റി ചെയര്‍മാന്‍ കെ.സി. മാനവര്‍മ രാജ, ജനറല്‍ കണ്‍വീനര്‍ കെ.വി. വിനോദ്, ഭാരവാഹികളായ ഡോ. കെ.സി.കെ. രാജ, പടിഞ്ഞാറ്റംകൊഴുവല്‍ എന്‍എസ്എസ് കരയോഗം പ്രസിഡന്റ് എം. കുഞ്ഞമ്പു നായര്‍, പി. കുഞ്ഞിരാമന്‍ നായര്‍, മാതൃസമിതി ഭാരവാഹികളായ സി. രമ, കെ. സാവിത്രിയമ്മ എന്നിവര്‍ സംബന്ധിച്ചു.

ക്ഷേത്രപരിധിയിലെ 45 സമുദായ ക്ഷേത്രങ്ങളുടെ പ്രതിനിധികള്‍ ഉള്‍പ്പെടെ നൂറു കണക്കിനാളുകള്‍ ചടങ്ങിനെത്തി. ഇരിങ്ങാലക്കുട കൂടല്‍മാണിക്യക്ഷേത്രത്തിനു വടക്ക് ആദ്യമായാണ് വിളക്കുമാടം നിര്‍മിക്കുന്നത്. 2015 ഫെബ്രുവരി, മാര്‍ച്ച് ഉല്‍സവ കാലത്ത് സമര്‍പ്പിക്കാനാവും വിധമാണ് നിര്‍മാണം പുരോഗമിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News