തെലുങ്ക് നടന്‍ ഉദയ് കിരണ്‍ ആത്മഹത്യ ചെയ്തു

ഹൈദരബാദ്: തെലുങ്ക് സിനിമ നടന്‍ ഉദയ് കിരണ്‍(33) ആത്മഹത്യ ചെയ്തു. പുഞ്ചഗട്ടയിലെ ശ്രീനഗര്‍ കോളനിയിലുള്ള വസതിയില്‍ സീലിങ് ഫാനില്‍ തൂങ്ങിനിലയിലാണ് മൃതദേഹം കാണപ്പെട്ടത്. പലതവണ വിളിച്ചിട്ടും മൊബൈല്‍ ഫോണ്‍ എടുക്കാത്തതിനെ തുടര്‍ന്ന് മണികോണ്ടയിലേക്ക് പോയ ഭാര്യ വിശിഷ്ട യാത്ര പാതിവിഴിക്ക് അവസാനിപ്പിച്ച് തിരിച്ചെത്തിയപ്പോഴാണ് തൂങ്ങിനില്‍ക്കുന്നത് കണ്ടത്. വിശിഷ്ടയും അയല്‍വാസികളും ചേര്‍ന്ന് ഉടന്‍ തന്നെ അപ്പോളോ ആസ്പത്രിയില്‍ എത്തിച്ചെങ്കിലും അപ്പോഴേക്കും മരണം സംഭവിച്ചു കഴിഞ്ഞിരുന്നു.
രണ്ടായിരത്തില്‍ തേജ സംവിധാനം ചെയ്ത ചിത്രം എന്ന സിനിമയിലൂടെയാണ് അഭിനയ രംഗത്ത് എത്തിയത്. നുവു നേനു, മനസന്ത നുവെ, ലവ് ടു ഡേ, ശ്രീറാം, ഹോളി, നീ സ്‌നേഹം, ജോഡി നമ്പര്‍ തുടങ്ങിയവ അദ്ദേഹത്തിന്റെ പ്രധാന സിനിമകളാണ്. ഇതുവരെ 21 സിനിമകളില്‍ അഭിനയിച്ചു. ഫിലിം ഫെയര്‍ അവാര്‍ഡ് ഉള്‍പ്പെടെയുള്ള പുരസ്‌കാരങ്ങള്‍ ലഭിച്ചിട്ടുണ്ട്. പൊയ് എന്ന സിനിമയിലൂടെ തമിഴ് സിനിമയിലെത്തിയ കിരണ്‍ മൂന്നു ചിത്രങ്ങളില്‍ അഭിനയിച്ചു.

കേന്ദ്രമന്ത്രി ചിരഞ്ജീവിയുടെ മകളുമായി 2003ല്‍ വിവാഹ നിശ്ചയം കഴിഞ്ഞെങ്കിലും പിന്നീട് ചില കാരണങ്ങളാല്‍ കല്ല്യാണം നടന്നിരുന്നില്ല. കഴിഞ്ഞ വര്‍ഷം ഒക്ടോബറില്‍, ദീര്‍ഘകാല പ്രണയിനിയായിരുന്ന വിശിഷ്ടയെ ഉദയ് വിവാഹം ചെയ്യുകയായിരുന്നു. മുപ്പത്തിനാലാം പിറന്നാള്‍ ആഘോഷിക്കാന്‍ 20 ദിവസം മാത്രം ബാക്കി നില്‍ക്കെയാണ് ഉദയ് കിരണിന്റെ ആത്മഹത്യ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Suiside, Udai Kiran