തെക്കിലില്‍ നാലര വയസുകാരന്‍ പുഴയില്‍ വീണ് മരിച്ചു

കാസര്‍കോട്: പുഴക്കരയില്‍ കളിക്കുകയായിരുന്ന നാലര വയസുകാരന്‍ പുഴയില്‍ വീണുമരിച്ചു. തെക്കില്‍ ബന്താട് വാടക വീട്ടില്‍ താമസിക്കുന്ന ഹമീദ്-ജാസ്മി ദമ്പതികളുടെ മകന്‍ അര്‍ഷാദാണ് മരിച്ചത്. 

ബുധനാഴ്ച പകല്‍ 12 മണിയോടെ വീടിന് സമീപത്തെ ചന്ദ്രഗിരി പുഴയിലാണ് അപകടം. രാവിലെ ഉമ്മയും ഉപ്പയും കൂലിപണിക്ക് പോയതായിരുന്നു. ഈ സമയത്താണ് അര്‍ഷാദും സഹോദരനും പുഴക്കരയില്‍ കളിക്കാന്‍ പോയത്. ഇതിനിടയില്‍ അര്‍ഷാദ് കാല്‍തെറ്റി പുഴയില്‍ വീണു. സഹോദരന്റെ നിലവിളി കേട്ടത്തെിയ നാട്ടുകാരും വിവരമറിഞ്ഞത്തെിയ കാസര്‍കോട് ഫയര്‍ഫോഴ്‌സുമാണ് അര്‍ഷാദിനെ കരക്കടുത്തത്. ഉടന്‍ കാസര്‍കോട് സ്വകാര്യാശുപത്രിയിലെത്തിച്ചുവെങ്കിലും രക്ഷിക്കാനായില്ല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News